18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
ՊՆ-ն ի՞նչ կառույց է. պատերազմ անցած երեխեքին պատերազմից փախածները տանում են՝ չասելով, թե ուր. ՏԵՍԱՆՅՈՒԹ
Հասարակություն
19.04.2021 | 12:51
Այսօր առավոտից Կառավարության շենքի մոտ էին հավաքվել ժամկետային զինծառայողների ծնողները։ Նրանք գործադիր մարմնից պահանջում են կրճատել իրենց զավակների ծառայության ժամկետը։
«2019 թվականի երկրորդ զորակոչի տղաներին երեք ամիս է մնացել ծառայելու, և ճիշտ ենք համարում հենց հիմա զորացրել այդ հավաքի տղաներին։ Իսկ մյուս երկու զորակոչերի մասով գոնե 6 ամիս կրճատվի այն երեխաների դեպքում, որոնք պատերազմ են տեսել։ Նոյեմբերի 10-ից դեկտեմբերի 22-ը նրանք տեսել են նաև հետպատերազմյան բեռը։ Իսկ այսօր տեսնում ենք հակառակ վերաբերմունքը․ հենց հիմա Պաշտպանության նախարարությունը․․․ ես չեմ հասկանում՝ ինչ կառույց է։ Հենց հիմա ամենացինիկ վերաբերմունքն է դրսևորվում պատերազմ անցած տղաների նկատմամբ»,- լրագրողների հետ զրույցում ասաց ծնողներից մեկը։
Ժամկետային զինծառայողի ծնողի խոսքով՝ այժմ տարբեր զորամասերից շատ տղաների տանում են անհայտ ուղղությամբ, իրենք չեն կարողանում տեղեկանալ, թե զինվորներին ուր են տեղափոխում․ «Պատերազմ անցած երեխեքին պատերազմից փախածները տանում են՝ չասելով, թե ուր։ Չգիտենք, չեն ասում։ Ծնողն այսօր տեղյակ չի, թե իր երեխուն ուր են տանում»։
Մանրամասները՝ տեսանյութում։
Մերի Մարտիրոսյան
