21.10.2026 | 19:00
Ընտրակաշա՞ռք, թե՞ աշխատավարձ․ ինչի համար էր գաղտնի տեսագրության փողը. ՏԵՍԱՆՅՈՒԹ
Երևանի ավագանու նիստը վերսկսվեց. «Շոու էր, որը չափ ու սահմաններից դուրս էր». Դավիթ Խաժակյան
Քաղաքականություն
13.02.2018 | 12:55
Երևանի ավագանու նիստում տեղի ունեցած ծեծկռտուքի արդյունքում ընդհատված նիստը քիչ առաջ վերսկսվեց: Ավագանու ՀՀԿ -ական անդամների կողմից հնչեց առաջարկ՝ թույլ տալ, որ բուժաշխատողները ներկա գտնվեն նիստին, ինչը քաղաքապետ Տարոն Մարգարյանի կողմից ընդունվեց:
Մարգարյանը, սակայն, զգուշացրեց «Երկիր Ծիրանիի» անդամներին՝ նշելով, որ նման վարքագծի և ավագանու նիստերի կանոնակարգի խախտման դեպքում ինքը կդիմի ոստիկանությանը՝ պահանջելով արգելել «Երկիր Ծիրանիի» անդամների մուտքը նիստերի դահլիճ:
Ելույթ ունեցավ նաև ավագանու «Ելք» խմբակցության անդամ Դավիթ Խաժակյանը: Նա ներողություն խնդրեց քաղաքացիներից՝ նշելով, որ փոխանակ նրանց խնդիրներն այստեղ բարձրացվեն, նիստերը տապալվում են. «Այն ինչ եղավ այսօր, ոչ մի լավ բանի չի հանգեցնի, ոչ էլ նրանց համար, ովքեր հեղինակել էին դա: Դա շոու էր, որը չափ ու սահմաններից դուրս էր»:
Այս պահին նիստի բնականոն ընթացքը վերսկսված է:
