07.10.2026 | 23:48
Արթուր Դանիելյանը կալանավորվեց
Կոռուպցիոն վտանգ միշտ կա, եթե մարդիկ հակված են մտնել դրա մեջ․Սուրեն Պապիկյանը «Հյուսիս-հարավ»-ի մասին. ՏԵՍԱՆՅՈՒԹ
Հասարակություն
15.04.2021 | 13:14
Տարածքային կառավարման և ենթակաուցվածքների նախարար Սուրեն Պապիկյանը Ազգային ժողովում անդրադարձավ Հյուսիս-Հարավ ճանապարհի կառուցման աշխատանքներին։ Նա նշեց, որ 2020 թվականը բարենպաստ չէր, բայց տարվա ավարտին հաջողվել է չինացի գործընկերներին հասցնել Հայաստան։
«Մենք նշել ենք Հյուսիս-Հարավի՝ Թալին-Լանջիկ, Լանջիկ գյուղի 42 կմ-ոց հատվածի շինարարական մեկնարկի մասին։ Խոսքը վերաբերում է փորձնական ասֆալտե շերտի տեղադրմանը։ Շուրջ մեկ շաբաթ անց լաբորատոր աշխատանքների արդյունքում մենք կիմանանք որակի մասին, այնուհետև թույլ կտանք ընկերությանը սկսել ասֆալտապատման գործընթացը։ Նախատեսվում է, որ այս տարվա աշնան դրությամբ մենք արդեն կունենանք Թալինից մինչև Գյումրի 42 կմ-ոց հատվածի մեկ ուղղությամբ ասֆալտապատ ճանապարհ»,- ասաց Պապիկյանը։
Նախարարը հիշեցրեց, որ արբիտրաժային գործընթաց կա։ «Նաև կա վարձված միջազգային ընկերություն, որ այս պահին գնահատական է տալիս, թե ինչ աշխատանք է արվել։ Եվ ևս մեկ կտոր՝ 8 կմ-ոց հատված, որը շրջանցում է Ագարակի պատմամշակութայի հուշարձանը, դրվում է մրցույթի։ Նաև կառավարության կողմից որոշում կա՝ տալ մեկնարկ Հյուսւս-Հարավ ճանապարհի հարավային հատվածին։ Խոսքը Սիսիան-Քաջարան և Քաջարանից Ագարակ ուղղության մասին է։ Այստեղ ունենալու ենք երկու թունել։ Հունիսին մենք կունենանք նախագծանախահաշվային ամբողջական փաթեթը, օգոստոսի դրությամբ երևի արդեն մրցութային փաթեթը պատրաստ կլինի»,- հավելեց նա։
Ինչ վերաբերում է կոռուպցիոն ռիսկերին, նախարարը նշեց, որ կոռուպցիոն վտանգ միշտ կա, եթե մարդիկ հակված են մտնել դրա մեջ:
Մանրամասները՝ տեսանյութում:
