17.04.2026 | 23:38
Ավտոերթով պայմանավորված՝ երթևեկությունը որոշ հատվածներում ժամանակավորապես կսահմանափակվի. ՆԳՆ
Որդեգրել ենք սկզբունք, որ դպրոցի խորհրդի կազմում չպետք է ներառվեն կուսակցական անձինք․ԿԳՄՍՆ պաշտոնյա. ՏԵՍԱՆՅՈՒԹ
Հասարակություն
14.04.2021 | 13:59
ԿԳՄՍ-ն հանրակրթության ոլորտի բարեփոխումների ընդարձակ նախագիծ է սկսել, և այդ գործընթացի մասերից է նաև տնօրենի ընտրության կարգը նոր խմբագրությամբ շարադրելը։ Այս մասին այսօր՝ «Կհաջողվի՞ նվազագույնի հասցնել դպրոցների ներգրավվածությունը ընտրական գործընթացներին» թեմայով քննարկմանը նշեց ՀՀ ԿԳՄՍՆ Հանրակրթության վարչության պետ Արսեն Բաղդասարյանը։
«Հաշվի են առնվել նախկինում ունեցած այն խնդիրները, որ եթե խորհուրդը չէր կարողանում տնօրեն ընտրել, ապա թեկնածուներն ուղարկվում էին կամ փոխվարչապետին, կամ ԿԳՄՍ նախարարին։ Այս առումով՝ օրենքի հետ որոշակի խնդիր կար, որովհետև օրենքում հստակ ֆիքսված է, որ խորհուրդն է ընտրում տնօրեն։ Նոր կարգավորումներով՝ այնպիսի ընթացակարգ ենք սահմանել, որ տնօրենի վերջնական ընտրությունը պետք է կատարի խորհուրդը»,- նշեց Արսեն Բաղդասարյանը։
Նրա խոսքով՝ փոխվել է նաև խորհուրդների ձևավորման կարգը։ «Նախարարությունը որդեգրել է մի սկզբունք, ըստ որի՝ դպրոցի խորհրդի կազմում չպետք է ներառվեն ակտիվ քաղաքական գործունեությամբ զբաղվող կամ ակտիվ քաղաքական տեսակետ ունեցող անձինք։ Իհարկե, օրենքով նման սահմանափակում չկա, բայց զերծ պահելով դպրոցներին քաղաքական ազդեցությունից, որդեգրել ենք այդ դիրքորոշումը»,- նշեց Արսեն Բաղդասարյանը։
Մանրամասները՝ տեսանյութում։
Նելլի Մելքոնյան
