09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Ինֆորմացիան, եթե նույնիսկ հայհոյախառն է, պետք է թույլ տալ՝ հոսի, հետո կարգավորել, ոչ արգելել․իրավաբան. ՏԵՍԱՆՅՈՒԹ
Հասարակություն
13.04.2021 | 17:45
Կարելի էր վարչական տույժեր սահմանել, օրինակ, կուսակցությունների համար, որոնք չեն սանձում ատելության խոսք «շպրտող» իրենց անդամներին, կտրել կուսակցություններին պետական նպաստից, եթե այդպիսիք կան։ Ռադիոհեռուստատեսության հանձնաժողովն ավելի ակտիվ պետք է լինի՝ որսալու համար ռասիստական խոսքը, այլ ոչ վիրավորանքն ու զրպարտությունը և հեռուստաընկերություններին ենթարկի պատասխանատվության. այս մասին այսօր՝ «Հրապարակային հայհոյանքի, անպարկեշտ վիրավորանքի համար կսահմանվի տուգանք. դատախազության նոր նախաձեռնությունը» թեմայով քննարկմանը նշեց իրավաբան Արա Ղազարյանը։
«Ցանկացած կարգավորում՝ քրեական, վարչական, թե կարգապահական, եթե ազդելու է ինֆորմացիայի հոսքի վրա, որտեղ այդ ինֆորմացիան արժեք է պարունակում, նույնիսկ եթե հայհոյախառն է, պետք է թույլ տալ, որ այն հոսի, հետո արդեն կարգավորել՝ փոխհավասարակշռելով հանրային և մասնավոր շահը, այլ ոչ, ինչպես ժողովուրդն է ասում, «քոքից կտրել», արգելել»,- նշեց իրավաբանը։
Մանրամասները՝ տեսանյութում։
Նելլի Մելքոնյան
