16.12.2025 | 22:27
Ըստ ՌԴ ԱԳՆ-ի՝ Արևմուտքն ակտիվացրել է «ապակառուցողական ջանքերը Հարավային Կովկասում»
Հայաստանում կպատվաստվի 800 հազար քաղաքացի․ 600-ն արդեն պատվաստվել է Sputnik V-ով․ առողջապահության նախարար. ՏԵՍԱՆՅՈՒԹ
09.04.2021 | 20:31
Factor TV–ի հարցազրույցը ՀՀ առողջապահության նախարար Անահիտ Ավանեսյանի հետ
-Տիկի՛ն նախարար, կխնդրեմ ներկայացնեք կորոնավիրուսով պայմանավորված հակահամաճարակային ներկա իրավիճակը և ինչպիսի՞ն է դինամիկան, արդյո՞ք այն տագնապահարույց է։
-Վերջին երկու շաբաթների ընթացքում մենք, կարծես, կայուն լարված իրավիճակ ունենք։ Շաբաթվա կտրվածքով՝ միջինում օրական 700-ից 800 նոր պացիենտ ենք ունենում, բայց շաբաթվա կոնկրետ օրեր՝ երեքշաբթի, չորեքշաբի, ուրբաթ, 1000-ից անցնում է այդ թիվը, հետո նորից իջնում։ Բայց իրավիճակը կայուն է։ Մենք հույս ունենք՝ շեմի մեջ ենք գտնվում։
-Հայաստանում մահացությունների մակարդակը միջինից բա՞րձր է, թե՞ ցածր։ Հնարավո՞ր է այլ գործիքակազմով, բժշկական ծառայություններ ներգրավելով այդ թիվը նվազեցնել։ Ի՞նչ է արվում։
-Այս ալիքի ընթացքում դրական թեստավորված պացիենտների մոտ ծանր և ծայրահեղ ծանր ընթացքում համամասնությունը բավականին մեծ է։ Գուցե մի շարք հանգամանքներ են դրան նպաստում։ Այս պահին չենք կարող ամփոփել արդյունքները։ Վերջին երկու-երեք շաբաթվա ընթացքում ակտիվ մահճակալների ծավալման գործընթաց էր ընթանում, և այս պահին մենք 2․600 մահճակալ ունենք ծավալված, որոնք զբաղված են, և մինչև 2․900 ազատ մահճակալ ունենք։
-Քանի՞ մարդ է պատվաստվել և ի՞նչ պատվաստանյութեր են հիմնականում օգտագործվում։
-Այս պահին մոտավորապես 600 հոգի պատվաստվել է՝ բուժաշխատողներ, ռիսկի խմբի այլ քաղաքացիներ, քրոնիկ հիվանդություններով տառապող, բայց հիմնականում քովիդ-կենտրոնների բուժաշխատողներ են եղել։ Պատվաստանյութը Sputnik V-ն է, որը մենք ստացել էինք մոտ 2․100 դեղաչափ։ Դա է կիրառվել։ Այս պահին մենք ունենք ևս երկու ներմուծված խմբաքանակ, որոնք մաքսազերծման, բաշխման գործընթացում են այս պահին, դրանք են «Sputnik V»-ն և և «ԱստրաԶենեկան»։
–Ի՞նչ խնդիր է իր առաջ դրել Առողջապահության նախարարությունը։ Սահմանելո՞ւ եք պատվաստման ենթակա քաղաքացիների որևէ նպատակային թիվ և ի՞նչ ժամկետների մասին ենք խոսում։
–Մենք, հաշվարկելով մեր ռիսկի խմբի ներկայացուցիչներին և այն անձանց, որոնք ցանկություն կհայտնեն, մաքսիմալ նշաձողը մինչև 700-800 հազար հոգին է։ Բայց թե ինչ ժամկետում դա կկարողանանք իրականացնել և ինչ առաջնահերթությամբ պատվաստումներ կիրականացնենք, հընթացս կտեսնենք։ Միանշանակ չեմ կարող ասել։ Առաջնահերթություն են 65 տարին լրացած քաղաքացիները, քրոնիկ հիվանդություններ ունեցողները և բուժաշխատողները՝ միանշանակ։
Հարցազրույցն աբողջությամբ՝ տեսանյութում։
Ռոբերտ Անանյան
