19.02.2026 | 23:55
Եպիսկոպոսաց հավաքը հանդես է եկել հայտարարությամբ
Ես ինձ թույլ չեմ տա Թուրքիայի դրոշը վառել. Հակոբ Ասլանյան. ՏԵՍԱՆՅՈՒԹ
Քաղաքականություն
05.04.2021 | 17:56
Տարածաշրջանում տեղի ունեցած ակնառու փոփոխություններից հետո Հայաստանի քաղաքական ղեկավարությունը խոսում է Թուրքիայի և Ադրբեջանի նկատմամբ կեցվածք փոխելու մասին, իշխող ուժի տարբեր ներկայացուցիչներ նշում են, որ գուցե լավ ժամանակ է փորձելու այդ երկրների հետ այլևս թշնամի չլինել: Factor.am-ի հետ զրույցում «Իմ քայլը» խմբակցության պատգամավոր Հակոբ Ասլանյանը նշեց, որ չի կարծում, թե նրանք, ովքեր ասում են, թե պետք է վերաբերմունք փոխվի, դա նշանակում է մոռանալ, թե թուրքն ով է:
«Պետք է ոչ թե հայտարարություններ անենք, այլ գլուխներս կախ միավորվենք և հասկանանք, թե ինչպես պետք է վերականգնենք մեր կորցրած արժանապատվությունը: Սխալ են այն մարդիկ, ովքեր մեկ բառից կախվում են և բացատրություններ են դնում: Սրա լրջությունը կայանում է նրանում, որ, այո՛, մենք պետք է մեր մոտեցումները փոխենք:
Ես, օրինակ, չեմ հասկանում, որ երեխայի նման որևէ երկրի դրոշ են վառում, գուցե ես այդքան դեռ չեմ հասունացել, որ հասկանամ դա: Ես այդպիսի բան արել եմ 8-րդ դասարանում, երբ Եղեռնի մասին դասն էինք անցնում, քարտեզի վրայից կտրեցի Թուրքիայի դրոշը և ասացի՝ երանի թե մի օր քարտեզն առանց դրա լիներ: Իմ արածը երեխայություն էր: Ես ինձ թույլ չեմ տա Թուրքիայի դրոշը վառել, որովհետև դրանով ես Թուրքիային ոչ մի վնաս չեմ տա: Ավելի լավ կլինի հասնել նրան, որ հասկանանք՝ ինչպես պետք է միավորվենք ու ոտքի կանգնենք, որ դա մեզ հնարավորություն տա զինվել ու պատրաստ լինել նոր իրավիճակներին: Իսկ եթե ուզում ենք թուրքերի հետ կռիվ չլինի, հին հույները լավ խոսք ունեն՝ թե ուզում ես պատերազմ չլինի, միշտ պատրա՛ստ եղիր պատերազմին»,- նշեց պատգամավորը:
Մանրամասները՝ տեսանյութում:
