18.12.2025 | 23:24
ՀՀ տարածքում ավտոճանապարհները հիմնականում անցանելի են
Պատվաստանյութ կա, պատվաստվողների թիվն է ցածր․ Վրաստանի գլխավոր համաճարակաբանը՝ պատվաստումների ընդլայնման ծրագրի մասին
Քաղաքականություն
05.04.2021 | 21:33
Վերջին տվյալների համաձայն՝ Վրաստանում 11․603 մարդ պատվաստվել է կորոնավիրուսի դեմ։ Այսօր լրագրողների հետ հանդիպման ժամանակ այս մասին ասել է Վրաստանի Հիվանդությունների վերահսկման ազգային կենտրոնի ղեկավար Ամիրան Գամկրելիձեն, գրում է «Նովոստի-Գրուզիա»-ն:
Գլխավոր համաճարակաբանը հայտնել է, որ պետք է հասնել մի արդյունքի, երբ երկրում օրական պատվաստվի երեք հազար մարդ: «Մինչդեռ Վրաստանում օրական միջին հաշվով հազար մարդ է պատվաստվում, և դա բավարար չէ»,- ասել է նա:
Վրաստանում պատվաստումների ծրագիրը հնարավոր է ընդլայնել, քանի որ երկիրն ունի բավարար քանակությամբ դեղամիջոց, կարծում է Գամկրելիձեն: Ուստի, միջգերատեսչական համակարգող խորհրդի հաջորդ նիստում կքննարկվի մանկավարժներին և մանկապարտեզների ուսուցիչներին իմունիզացիայի գործընթացում ընդգրկելու հարցը։
Տաթև Ֆռանգյան
