07.10.2026 | 23:48
Արթուր Դանիելյանը կալանավորվեց
Որոշում չկա, կա գաղափար. ԿԳՄՍ նախարարը՝ վարչապետի՝ ակադեմիական քաղաք կառուցելու մասին
Հասարակություն
31.03.2021 | 16:56
«Ես իրավասու չեմ վարչապետի հայտարարությունը հերքել կամ հաստատել, եթե ունեք հնարավորություն, վարչապետին ուղղեք այդ հարցը, քանի որ դա կառավարության որոշում չէ, վարչապետն ավելի հստակ կբացատրի՝ ինչ է ասել»,- այս մասին ասյօր հրավիրված ասուլիսում նշեց ԿԳՄՍ նախարար Վահրամ Դումանյանը՝ անդրադառնալով հարցին, թե նա հերքո՞ւմ է բուհերի շենքերը վաճառելու և ակադեմիական քաղաք կառուցելու մասին Փաշինյանի հայտարարությունը:
«Եթե իրականություն դառնա ակադեմիական քաղաքի այդ գաղափարը, որի մասին խոսեց վարչապետը, շատ բուհերի մոտ բնական ցանկություն կառաջանա տեղափոխվել այդ գեղեցիկ վայրը, և այն կառույցները, որոնք մինչ այդ բուհ են եղել, բայց այլևս ոչ նպատակահարմար կհամարվի այնտեղ բուհական կրթություն իրագործելը, կարելի է վաճառել և ներդնել»,- ասաց նա՝ նշելով նաև, որ եթե բոլոր շենքներն էլ վաճառվեն, գումարը չի բավարարելու այդ նպատակն իրականություն դարձնել, քանի որ լրջագույն ներդրումներ են անհրաժեշտ»,- նշեց ԿԳՄՍ նախարարը։
«Որոշում չկա, կա գաղափար, ի՞նչ վատ գաղափար է, այլ հարց է, թե դա որքանով է իրատեսական: Ես ուզում եմ, որ դա լինի իրատեսական»,- նշեց Դումանյանը:
Մանրամասները՝ տեսանյութում:
