17.09.2026 | 15:48
Ուկրաինան և ՌԴ-ն զոհվածների մարմինների հերթական փոխանակումն են իրականացրել
Նախագահը՝ հայ-ռուսական հարաբերությունների վատթարացման և ՀՀ-ում ներքաղաքական ճգնաժամի կապի մասին․ ՏԵՍԱՆՅՈՒԹ
Քաղաքականություն
30.03.2021 | 18:31
ՀՀ նախագահ Արմեն Սարգսյանը հարցազրույց է տվել ռուսական ՌԲԿ հեռուստաընկերության։
-Պարո՛ն նախագահ, Մոսկվայում շատերը կարծում են, որ Ռուսաստանի ու Հայաստանի հարաբերությունները վատթարացել են։ Արդյո՞ք ներկայիս ներքաղաքական ճգնաժամը կապված չէ հենց սրա հետ։
-Դա ավելի շատ Մոսկվայից եկող , քան թե Երևանի գնահատականն է։ Բնականաբար Հայաստանում կան տարբեր քաղաքական գործիչներ և ոչ քաղաքական գործիչներ, տարբեր շահեր և այս հարցին միանշանակ պատասխանելն ինչքան դժվար է, նույնքան էլ հեշտ է։ Ով էլ, որ Հայաստանում լինի իշխանության գլուխը վաղ թե ուշ, վաղ, եթե այդ մարդը իսկապես հասկանում է այսօրվա իրողությունը, երբ ինքը դարձել է քաղական գործիչ, իսկ ուշ՝ երբ մարդը չի հասկանում իրողություններն ու դեռ պետք է դրանց հանգի։ Վաղ թե ուշ քաղաքական գործիչը գալիս է եզրահանգման, որ Հայաստանի ու Ռուսաստանի հարաբերությունները պարզ չեն․ դրանք ոչ միայն բազմադարյան են, այլ այնպիսի խորություն ունեն, որ դժվար է այն էմոցիոնալ առումով գնահատել։ Անկախ այն բանից, թե դու որտեղ ես գտնվում, Բուենոս Այրեսում, Բրազիլիայում, ԱՄՆ-ում, Եվրոպայում, կամ էլի ինչ-որ այլ տեղ Մերձավոր Արևելքում, հարցրու, թե ով է հայի ընկերը։ 100-ից 99-ը կպատասխանի Ռուսաստանը։ Եվ դա հայերը, որոնք ապրում են ԱՄՆ-ում, Ֆրանսիայում։
