18.11.2024 | 18:51
Արգիշտի Քյարամյանը աշխատանքային վերջին խորհրդակցությունն է անցկացրել
Գևորգ Բաղդասարյանին դատի են տվել․ հայցվորը պահանջում է հրապարակային ներողություն խնդրել
Հասարակություն
30.03.2021 | 17:11
Մարտի 1-ի գործով տուժող ճանաչված Սերգեյ Եղիազարյանի փաստաբան Էդուարդ Ասլանյանը քաղաքացիական հայց է ներկայացրել մեղադրանքը դատարանում պաշտպանող դատախազ Գևորգ Բաղդասարյանի դեմ։ Ասլանյանը պահանջում է, որպեսզի դատախազն իրենից հրապարակայնորեն ներողություն խնդրի։
Factor.am-ի հետ զրույցում Ասլանյանը նշեց, թե հունիսի 21-ի նիստին, երբ ինքը բացարկ է հայտնել դատախազին, Բաղդասարյանն իր արժանապատիվ, գործարար համբավը նսեմացնող արտահայտություններ է արել։ Ասլանյանը հորդորեց բացել նիստերի տեսագրությունը և ունկնդրել։
Հարցին՝ արդյո՞ք պահանջը միայն հրապարակային ներողություն խնդրելն է, փաստաբանը արձագանքեց, թե մնացած մանրամասները հայտնի կդառնան նիստի ընթացքում։
Գևորգ Բաղդասարյանի դիրքորոշումը հարցի հետ կապված ճշտել չհաջողվեց։ Նշենք, որ գործը մակագրվել է դատավոր Ավագ Գաբրիելյանին, նիստը նշանակված է ապրիլի 13-ին:
Լիլիթ Շաբոյան
