11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ֆրանսիան դատապարտում է Թուրքիայի գործողությունները Սիրիայում
Քաղաքականություն
07.02.2018 | 20:29
Ֆրանսիայի արտաքին գործերի նախարար Ժան-Իվ Լը Դրիանը դատապարտել է Սիրիայում Թուրքիայի զինուժի կողմից իրականացվող «Ձիթենու ճյուղ» ռազմական օպերացիան. փոխանցում է EH-ն:
Ըստ թուրքական «Haberler» լրատվամիջոցի՝ ֆրանսիական «BFM-TV» հեռուստաալիքի հետ զրույցում, ֆրանսիացի արտգործնախարարը Թուրքիային և Իրանին մեղադրել է Սիրիայում մարդու իրավունքները խախտելու մեջ:
«Թուրքիան չպետք է գործող պատերազմին նոր պատերազմ ավելացնի: Սահմանները պաշտպանելը բոլորովին չի նշանակում խաղաղ բնակչությանը սպանել: Դա դատապարտելի»,- ասել է ֆրանսիացի պաշտոնյան:
Խոսելով օտար երկրների զորքերը Սիրիայի դուրս գալու մասին, Դրիանը ընդգծել է, որ Իրանի կողմից աջակցվող կողմերը պետք է դուրս գան Սիրիայից և ավելի չլարեն, առանց այդ էլ լարված իրավիճակը:
Թեմայի շուրջ ավելի վաղ էլ Ֆրանսիայի նախագահն էր զգուշացում արել Թուրքիային:
Էմանուել Մակրոնը մասնավորապես ասել էր.
«Եթե գործողությունը վերածվի օկուպացիայի և պարզվի, որ դրա նպատակը ահաբեկչության վտանգի դեմ պայքարը չէր, ապա դա մեզ համար կդառնա իրականում լուրջ խնդիր»:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
