17.09.2026 | 13:22
Հայ բռնցքամարտիկները մեկնարկում են Եվրոպայի առաջնությունում
Ղրղզստանն ու Ուզբեկստանը կարողացել են համաձայնության գալ պետական սահմանի բոլոր վիճելի հատվածների շուրջ
Քաղաքականություն
26.03.2021 | 15:00
Ղրղզստանն ու Ուզբեկստանը կարողացել են համաձայնության գալ պետական սահմանի բոլոր վիճելի հատվածների շուրջ: Այս մասին ուրբաթ օրը Բիշքեկում կայացած ճեպազրույցի ժամանակ հայտարարել է Ղրղզստանի սահմանների սահմանազատման հարցերով կառավարության հանձնաժողովի ղեկավար, Ազգային անվտանգության պետական կոմիտեի նախագահ (GKNB) Կամիչիբեկ Տաշիևը, գրում է ՏԱՍՍ-ը։
«Ղրղզստան-Ուզբեկստան սահմանին բոլոր վիճելի տարածքները լուծված են», – հայտարարել է նա:
Ըստ նրա՝ այժմ երկու հանրապետությունների սահմանին վիճելի տարածքներ չկան, այնտեղ կան «միայն ղրղզական կամ միայն ուզբեկական կողմեր»: Ըստ Տաշիևի՝ կողմերից ոչ մեկը «չի շահել ու չի պարտվել» սահմանային խնդիրների կարգավորման ընթացքում: «Բոլոր որոշումներն ընդունվել են փոխադարձ համաձայնությամբ», – ասել է Տաշիևը:
Հավելենք՝ Ղրղզստանի և Ուզբեկստանի սահմանի երկարությունը մոտ 1,38 հազար կմ է: ԽՍՀՄ փլուզումից հետո տասնյակ վիճելի տարածքներ էին ստեղծվել այս հատվածում։ Գրեթե 30 տարի հնարավոր չէր փոխզիջման հասնել դրանց շուրջ: Կողմերը սկսել են ակտիվորեն աշխատել սահմանի ընդհանուր հատվածի գծանշման ու սահմանազատման ուղղությամբ միայն 2017 թվականից:
Տաթև Ֆռանգյան
