23.02.2026 | 18:00
Պապիկյանը Իրան է մեկնել // «Turkish Airlines»-ը ՀՀ-ից թռիչքներ կիրականացնի․ ԼՈՒՐԵՐ
Ցաքուցրիվ որոշումներով կազմաքանդել եք դատական իշխանությունը․ Տարոն Սիմոնյան. ՏԵՍԱՆՅՈՒԹ
Հասարակություն
24.03.2021 | 11:53
Ազգային ժողովում շարունակվում է հերթական նիստի աշխատանքը: Այժմ քննարկվում է Վճռաբեկ դատարանի դատավորի ընտրության 2-րդ փուլը:
ԼՀԿ խմբակցության պատգամավոր Տարոն Սիմոնյանը հայտարարեց. «Երկու թեկնածուների աշխատանքն էլ միտված է եղել պետականության զարգացմանը: Սակայն միանշանակորեն կարելի է ասել, որ անցած 3 տասնամյակում յուրաքանչյուր իշխանություն ցանկացել է կազմակերպել դատական իշխանությունն այնպես, ինչպես իրեն հարմար է եղել:
Եվ, ցավոք սրտի, դուք էլ բացառություն չեք, և ես ձեզ մոտ էլ չեմ տեսնում ազնվություն դատական իշխանությունը իրապես կայացնելու և անկախ դատական համակարգ ստեղծելու համար: Ձեր քայլերով դուք դատական իշխանությունը քաոսի եք վերածել: Դուք ձեր ցաքուցրիվ որոշումներով կազմաքանդել եք առանց այն էլ վատ վիճակում գտնվող դատական իշխանությունը: Ես հույս չունեմ, որ ձեր իշխանության օրոք դատական իշխանությունը կառողջացնեք»:
Տարոն Սիմոնյանն ընդգծեց, որ, այնուամենայնիվ, ավելի լավ է վատ դատական իշխանություն, քան ընդհանրապես դրա բացակայություն:
Մանրամասները՝ տեսանյութում:
