18.11.2024 | 20:22
Ամերիկացի սենատորները Բաքվում հայտարարել են, որ սատարում են Հայաստանին և պաշտպանում հայերի՝ ԼՂ վերադառնալու իրավունքը
ՍԴ-ն Քոչարյանի դիմումը կքննի գրավոր ընթացակարգով. Արևիկ Պետրոսյանի միջնորդությունը մերժվեց
Հասարակություն
23.03.2021 | 13:00
Սահմանադրական դատարանը որոշում կայացրեց ՀՀ քրեական օրենսգրքի 300.1-րդ հոդվածի սահմանադրականության հարցը՝ Երևանի ընդհանուր իրավասության դատարանի և ՀՀ երկրորդ նախագահ Ռոբերտ Քոչարյանի դիմումները քննել գրավոր ընթացակարգով:
Ինչպես տեղեկացնում է «Արմենպրես»-ը, ՍԴ դատավոր Արևիկ Պետրոսյանի միջնորդությունը՝ գործը քննել բանավոր ընթացակարգով, դրվեց քվեարկության, ձայները բաշխվեցին հավասար` 4 կողմ, 4 դեմ, ինչը նշանակում է, որ միջնորդությունը չի բավարարվել: Գործի դատաքննությունը շարունակվելու է գրավոր ընթացակարգով:
Դատարանը հեռացավ խորհրդակցական սենյակ որոշում կայացնելու համար:
Ռոբերտ Քոչարյանի և Երևան քաղաքի առաջին ատյանի ընդհանուր իրավասության դատարանի դիմումների հիման վրա` Հայաստանի Հանրապետության քրեական օրենսգրքի 300.1-ին հոդվածի` Սահմանադրությանը համապատասխանության հարցը որոշելու վերաբերյալ գործով զեկուցողներ են նշանակվել Սահմանադրական դատարանի դատավորներ Արայիկ Թունյանը, Աշոտ Խաչատրյանը, Երվանդ Խունդկարյանը, Էդգար Շաթիրյանը, Արթուր Վաղարշյանը:
