18.11.2024 | 20:38
Նախագահ Վահագն Խաչատուրյանը շնորհավորական ուղերձ է հղել Մարոկկոյի թագավոր Մուհամմադ Վեցերորդին
Դատարանը շարունակում է հետազոտել Ռազգիլդեևի գործով գրավոր ապացույցները
Հասարակություն
22.03.2021 | 20:09
Այսօր Շիրակի մարզի ընդհանուր իրավասության դատարանում նշանակված էր գյումրեցի Ջուլիետա Ղուկասյանի սպանության գործով հերթական դատական նիստը։ Տեղեկությունը փոխանցում է ՀՔԱ Վանաձորի գրասենյակը։
Նշանակված ժամից այն 1 ժամ 20 րոպե ուշացումով սկսվեց․ պատճառը տեխնիկական էր։ Դատարանը շարունակեց հետազոտել գրավոր ապացույցները։
Հիշեցնենք՝ Ջ․ Ղուկասյանի սպանության մեջ մեղադրվող, Գյումրիում տեղակայված ռուսական 102-րդ ռազմաբազայի զինծառայող Անդրեյ Ռազգիլդեևը մեղադրանքը չի ընդունում և դատական նիստերին շարունակում է մասնակցել հեռավար։ Լրագրողներին ևս չի թույլատրվում նկարահանել ամբաստանյալին։
Ջուլիետա Ղուկասյանի իրավահաջորդի իրավունքների պաշտպանությունն ստանձնել է ՀՔԱՎ-ը։ Նրա շահերը դատարանում ներկայացնում են ՀՔԱՎ նախագահ Արթուր Սաքունցը, ՀՔԱՎ փաստաբաններ Արայիկ Զալյանն ու Հայկ Հակոբյանը։
Աշխատանքային օրվա ավարտի պատճառով այսօրվա նիստը հետաձգվեց և կշարունակվի 2021 թ․ մարտի 29-ին՝ ժամը 16։00-ին։
