30.06.2026 | 21:50
ԱՄՆ Գերագույն դատարանը մերժել է ծննդյան իրավունքով քաղաքացիության տրամադրումը սահմանափակելու՝ Թրամփի առաջարկը
Մեծ Բրիտանիայի բանակը 10 հազար զինվորով կկրճատվի․ BBC
Քաղաքականություն
22.03.2021 | 19:53
Ռոբոտների, անօդաչու թռչող սարքերի և կիբերպատերազմի պայմաններում, չնայած սպառնալիքների մեծացմանը, Մեծ Բրիտանիայի բանակում զինվորների քանակը կկրճատվի շուրջ 10 հազարով: Այս մասին հայտնում է BBC-ն։
Նշվում է, որ ամենայն հավանականությամբ, որոշ տանկերի և ինքնաթիռների կորուստ կլինի, բայց կառավարությունը հայտարարել է, որ ավելի շատ նավեր, սուզանավեր և նավաստիներ կլինեն։
BBC-ի փոխանցմամբ՝ կանոնավոր բանակի՝ առանց այն էլ վերջին տարիներին կրճատված թիվը կհասցվի մոտ 70 հազարի։ Մեծ Բրիտանիայի պաշտպանության նախարար Բեն Ուոլեսը նշել է, որ ավելի ուշ հայտարարությամբ հանդես կգա։
Այնուամենայնիվ, երեկ նա BBC-ի եթերում հայտնել է, որ որոշումներ է կայացնում պաշտպանական բյուջեի ավելացման համատեքստում: Հարցի առնչությամբ՝ վարչապետ Բորիս Ջոնսոնը հայտարարել է, որ զինված ուժերի վերազինումը Միացյալ Թագավորությունն «ավելի արժեքավոր» կդարձնի դաշնակիցների համար և կխոչընդոտի ազգի «թշնամիներին»:
Նելլի Մելքոնյան
