13.12.2025 | 18:03
Իրավիճակն ավտոճանապարհներին՝ 17։10-ի դրությամբ
Օսկար 2021-ն օֆլայն կանցկացվի․ Reuters
Մշակույթ
19.03.2021 | 17:33
«Օսկար» մրցանակաբաշխության արարողությունը կանցկացվի օֆլայն, քանի որ դա հնարավոր չի լինի անել Zoom-ի միջոցով․ հայտնում է Reuters-ը՝ հղում կատարելով արարողության կազմակերպիչներին։
Նշվում է, որ մրցանակաբաշխությունն այս տարի կանցկացվի փոքրաթիվ հյուրերով, սահմանափակ թվով հավակնորդներով, հաղորդավարներով և նրանց հյուրերով:
Կորոնավիրուսային համաճարակի պատճառով կինոինդուստրիայի բարձրագույն մրցանակներ շնորհելու շոուն կանցկացվի ինչպես Լոս Անջելեսի կենտրոնում գտնվող Union Station- ում, այնպես էլ Օսկարի մրցանակաբաշխության ավանդական վայր դարձած Հոլիվուդի Դոլբի թատրոնում։
Reuters-ի փոխանցմամբ՝ նախքան արարողությանը մասնակցելը, բոլորը Քովիդ-19-ի թեստավարում կանցնեն, իսկ ապրիլի 25-ի երեկոյան՝ տեղում COVID-19 անվտանգության խումբ կաշխատի։
«Մեծ ջանքեր ենք գործադրում ՝ ապահովելու անվտանգ և հաճելի երեկո ինչպես ձեր բոլորի, այնպես էլ աշխարհում կինոարվեստի միլիոնավոր երկրպագուների համար։ Մենք զգում ենք, որ միջոցառումն առցանց տարբերակով կազմակերպելը կթուլացնի այդ ջանքերը»,- նշել են «Օսկար»-ի պրոդյուսերները։
Հիշեցնենք, որ կորոնավիրուսային համավարակի պատճառով այս տարի Օսկարի հանձնումը տեղափոխել են ապրիլի 26-ին:
Նելլի Մելքոնյան
