27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Հայաստանը խուլ և համր է, երբ ոչնչացվում է հայկական մշակույթը․ Գինոսյանը՝ Շուշիի Կանաչ ժամ եկեղեցու մասին
19.03.2021 | 16:14
Շուշիի Կանաչ ժամ եկեղեցին մասամբ է քանդվել, ադրբեջանցիների կողմից ավերվել է դրա գմբեթը։ Դա, սակայն, ոչինչ չի փոխում՝ սրբապղծություն է։ Այսօր լրագրողների հետ հանդիպմանն այս մասին նշեց «Կարին» ավանդական երգի-պարի խմբի գեղարվեստական ղեկավար Գագիկ Գինոսյանը։
Նրա խոսքով՝ այս ամենը կատարվում է միջազգային կառույցների, մասնավորապես՝ ՅՈՒՆԵՍԿՕ-ի լռության պայմաններում։
Նա մի քանի այլ օրինակ բերեց, երբ ադրբեջանցիներն ավերել կամ յուրացրել են հայկական մշակութային ժառանգությունը։ Գինոսյանը հիշեցրեց, որ երբ Ջուղայում ադրբեջանցիները ոչնչացնում էին հայկական խաչքարերը, երբ քոչարին ներկայացնում էին որպես Նախիջևանի մշակութային ժառանգություն, Հայաստանը, որպես պետություն, լուռ էր։
Մշակութային գործիչը նշեց, որ իր դիմումները մշակույթի նախարարներին մնացել են անպատասխան։
«Հայաստանը համր է և խուլ։ Ո՛չ լսում է, երբ մենք ենք բարձրաձայնում, ո՛չ էլ ինքն է բարձրաձայնում»,- հավելեց Գինոսյանը։
