17.09.2026 | 14:10
ՄԻԵԴ-ն ընդդեմ Հայաստանի վճիռ է կայացրել մահացած զինծառայողի գործով
Ռուսաստանում մտադիր են արգելափակել Թվիթերը․ BBC
Քաղաքականություն
16.03.2021 | 20:10
Մեկ ամսից Ռուսաստանում մուտքը Թվիթեր կարող է արգելափակվել, եթե սոցիալական ցանցից չհեռացվի այն բովանդակությունը, որը իշխանությունները համարում են արգելված (ներառյալ մանկական պոռնոգրաֆիան): Այս մասին հայտնում է BBC-ի ռուսական ծառայությունը։
Ռուսաստանի Տեղեկատվական տեխնոլոգիաների և զանգվածային հաղորդակցության բնագավառի վերահսկողության դաշնային ծառայությունից (Ռոսկոմնադզոր) նշել են, որ Թվիթերի գործընկերները դեռ ժամանակ ունեն բանակցելու համար։
Ռոսկոմնադզորի ղեկավարի տեղակալ Վադիմ Սուբբոտինն Ինտերֆաքսի հետ զրույցում հայտնել է, որ Թվիթերը համարժեքորեն չի արձագանքում իրենց խնդրանքներին, և եթե ամեն ինչ այդպես շարունակվի, ապա մեկ ամսից այն կարգելափակվի՝ առանց դատական ընթացակարգի։
«Առաջիկա մեկ ամսում մենք կդիտարկենք և որոշում կկայացնենք։ Ռոսկոմնադզորը դեռ չի արձանագրել Թվիթերի կողմից ձեռնարկված հատուկ քայլերը՝ արգելված բովանդակությունը հեռացնելու համար»,- ասել է Սուբբոտինը։
Նրա խոսքով՝ եթե ընկերությունը կատարի բոլոր պահանջները, ապա պատժամիջոցները կվերացվեն։
