18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Թուրքիայի պաշտոնական տվյալները՝ Աֆրինում 2 կողմերի կորուստների մասին
Քաղաքականություն
05.02.2018 | 11:58
Թուրքիայի զինված ուժերի գլխավոր շտաբի տարածած նոր հաղորդագրության մեջ պաշտոնական վերջին տեղեկություններն են հաղորդվել Սիրիայի քրդաբնակ Աֆրին շրջանում ընթացող «Ձիթենու ճյուղ» ռազմական գործողությունների ժամանակ քուրդ զինյալների կորուստների վերաբերյալ. փոխանցում է EH-ն:
Թուրքական «Haberler» լրատվական կայքը, հղում անելով զինուժի գլխավոր շտաբի ներկայացրած տվյալներին, նշում է, որ հունվարի 20-ից մինչ փետրվարի 5-ը ռազմական գործողությունների ընթացքում սպանվել է 947 քուդ զինյալ:
Հաղորդվում է, որ փետրվարի 5-ի գործողությունների ժամանակ սպանվել է նաև «Իսլամական պետություն» (ԻՊ) ահաբեկչական կազմակերպության 12 զինյալ:
Թուրքական «Aksam» թերթը հաղորդում է, որ գործողության առաջին օրվանից մինչ օրս Թուրքիայի բանակը ունի 13 զինվորի կուրուստ, ևս 57 թուրք զինվոր վիրավորվել է:
Քրդական աղբյուրները հերքում են թուրքական կողմի տվյալները՝ իրենց կորուստների քանակի վերաբերյալ: Մասնավորապես «ANF» լրատվական գործակալության թուրքական ծառայությունն էլ հաղորդում է, որ Թուրքիայի ռազմական գործողությունների հետևանքով խաղաղ բնակչության շրջանում կա 129 զոհ, 320 հոգի էլ վիրավորվել է:
