08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
Թրաֆիքինգի դեպք Վրաստանում. Բայրամովը՝ շիրակցի գերիների մասին․ Լուրեր
Քաղաքականություն
15.03.2021 | 18:13
«Հայրենիքի փրկության շարժում» նախաձեռնության վարչապետի թեկնածու Վազգեն Մանուկյանը հայտարարություն է տարածել, որում նշում է, որ պետք է ամեն գնով կանխել գործող իշխանության օրոք արտահերթ ընտրությունների անցկացումը: Իսկ եթե իշխանությունը հայտարարի ընտրությունների մասին, ապա պետք է հեռացնել այս իշխանությանը մինչև նախընտրական գործընթացի սկիզբը։
—
ԱԺ ԼՀԿ խմբակցության ղեկավար Էդմոն Մարուքյանը այսօր հայտարարել է, որ եթե մինչև հունիս ընտրություն չլինի՝ իրենք չեն երաշխավորում, որ վարչապետի թեկնածու չեն առաջադրի։
—
Արցախի խորհրդարանում շրջանառվել է օրենքի նախագիծ, որով որսորդական ակոսափող հրազեն ձեռք բերելու իրավունք կտրվի նաև պարտադիր զինվորական ծառայություն անցած քաղաքացիներին: Հիմնավորման համաձայն՝ քաղաքացիները պետք է ունենան ինքնապաշտպանության անհրաժեշտ մակարդակ ապահովելու հնարավորություն։
—
Հայաստանը վերջին 5 տարիներին իր զենքի 94 տոկոսը գնել է Ռուսաստանից։ Նույն ժամանակահատվածում Ադրբեջանն իր ներկրած զենքի 69 տոկոսը գնել է Իսրայելից, 17 տոկոսը՝ Ռուսաստանից։ Իսրայելական զինատեսակների մեջ մեծ տեղ ունեն ԱԹՍ-ները և բալիստիկ հրթիռները։
