17.09.2026 | 14:24
Ադրբեջանցի պատգամավորը հայտարարել է, թե կարող է Հայաստանի տարածքում հուշարձաններ «վերականգնել»
Ուկրաինան կարող է թուրքական ԱԹՍ-ներ կիրառել Դոնբասում մարտերի ժամանակ․ ԼՂ փորձն է ուսումնասիրվում
Քաղաքականություն
11.03.2021 | 18:33
Ուկրաինացի զինվորականները կարող են Դոնբասում մարտերի ժամանակ կիրառել թուրքական «Բայրաքթար» հարվածային անօդաչուներ։ Նման կարծիք է հայտնել ռազմական փորձագետ Իգոր Կորոտչենկոն, գրում է news.ru-ն։
Վերջինս պարզաբանել է, որ Ուկրաինայի ԶՈւ-ն ուշադրությամբ ուսումնասիրում է Լեռնային Ղարաբաղում մարտական գործողությունների փորձը։ Այս առումով հրամանատարությանն առանձնակի հետաքրքրում է հարվածային ԱԹՍ-ների կիրառումը։
Բացի այդ, չի կարելի պատահական անվանել վերջին օրերին Կիևի ու Անկարայի միջև կապերի ակտիվացումը։ Կորոտչենկոն ենթադրում է, որ Ուկրաինան նախ անօդաչուներ կգնի Թուրքիայից, իսկ հետագայում երկրում կարող են հիմնվել դրանց արտադրություն։ Ուկրաինացի զինվորականներին կսովորեցնեն աշխատել «Բայրաքթարների» հետ և նրանք ակտիվորեն կներգրավեն ԱԹՍ-ները Դոնբասում մարտական գործողություններում։
Տաթև Ֆռանգյան
