24.04.2026 | 22:14
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Օնիկ Գասպարյանի ուղերձը` վարչապետի հրաժարականի պահանջով, ՍԴ-ն ստացել է նախագահի դիմումը. Լուրեր
Քաղաքականություն
10.03.2021 | 15:02
Վարչապետ Նիկոլ Փաշինյանն այսօր միջնորդություն է ներկայացրել Հանրապետության նախագահին՝ Զինված ուժերի Գլխավոր շտաբի պետի պաշտոնում Արտակ Դավթյանին նշանակելու վերաբերյալ: Նախագահականն արդեն ստացել է վարչապետի առաջարկությունը, բայց հրամանագիրը դեռևս ստորագրված չէ։ Տեղեկությունը Factor.am-ին փոխանցեցին նախագահի աշխատակազմից։
—
Մինչ այդ ՀՀ ԶՈՒ ԳՇ պետ Օնիկ Գասպարյանը հրապարակել է հայտարարություն, որում նշել է, որ վարչապետի հայտարարությունը և իր պաշտոնից ազատման ողջ գործընթացը հակասահմանադրական են։ Գասպարյանը հաստատում է, որ առկա ճգնաժամի հայրենանպաստ լուծումը հնարավոր է ապահովել բացառապես Հանրապետության վարչապետի հրաժարականի և արտահերթ խորհրդարանական ընտրությունների արդյունքում։ Գասպարյանը նշել է, որ դիմել է վարչական դատարան, իսկ իր ծառայությունը հայրենիքին և հայ ժողովրդին շարունակելու է այլ կարգավիճակով։
—
ՀՀ ԶՈւ ղեկավար կազմն իր հերթին հայտարարությամբ միացել է Գասպարյանի ուղերձին և հաստատում է հանրապետությունում առկա վիճակի վերաբերյալ մինչ այս տրված գնահատականները։ Հայտարարության համաձայն՝ առկա իրավիճակի հանգուցալուծումը մեկն է․ այն նշված է Գասպարյանի ուղերձում։
—
Սահմանադրական դատարանը մարտի 10-ին Հանրապետության նախագահից ստացել է դիմում «Զինվորական ծառայության և զինծառայողի կարգավիճակի մասին» ՀՀ օրենքի` Սահմանադրությանը համապատասխանության հարցը որոշելու վերաբերյալ։ Հայտնում են ՍԴ-ից։
