02.05.2024 | 13:21
Ուսուցիչ կա ամիսը 25 հազար է ստանում, տնից դուրս գալու համար եք աշխատո՞ւմ, բա էրեխեքի ապագա՞ն․ ՏԵՍԱՆՅՈՒԹ
ԳՇ պետի տեղակալը դիմել է դատարան՝ վիճարկելով իրեն աշխատանքից ազատելու որոշումը
Հասարակություն
04.03.2021 | 13:34
ՀՀ ԶՈՒ Գլխավոր շտաբի պետի նախկին տեղեկալ Տիրան Խաչատրյանը հայցով դիմել է Վարչական դատարան՝ ընդդեմ ՀՀ նախագահ Արմեն Սարգսյանի։
Նա պահանջում է անվավեր ճանաչել ՀՀ նախագահի 24.02.2021 թ. թիվ ՆՀ 25-Ա հրամանագիրը՝ Տիրան Խաչատրյանին ՀՀ Զինված ուժերի գլխավոր շտաբի պետի առաջին տեղակալի պաշտոնից ազատելու մասին։
Հայցը մակագրվել է դատավոր Մերի Համբարձումյանին։
Հիշեցնենք, որ «Իսկանդերի» հրթիռի՝ միայն 10 տոկոսով գործելու մասին Նիկոլ Փաշինյանի հայտարարության վերաբերյալ լրագրողի հարցին ի պատասխան՝ Խաչատրյանը ծիծաղել էր, ինչից հետո վարչապետը նրան աշխատանքից ազատելու առաջարկ էր ներկայացել նախագահին։
Ավելի ուշ վարչապետը նաև ԳՇ պետին աշխատանքից ազատելու մասին առաջարկ էր ներկայացրել։
