17.09.2026 | 20:33
Ալիևը հայտարարել է՝ «եթե ՄԱԿ-ը նորմալ գործեր, ստիպված չէինք լինի ուժով նվաճել մեր տարածքները»
Դիպուկահարներ և ոստիկաններ ԱԺ-ում, Փաշինյանը՝ պատգամավորների հետ հարցուպատասխանին. Լուրեր
Քաղաքականություն
03.03.2021 | 18:42
Վարչապետ Նիկոլ Փաշինյանը Ազգային ժողովում է։ Կառավարության անդամներին հարց տալու համար հերթագրվել է 29 պատգամավոր։ Մինչ Փաշինյանի ժամանումը անվտանգության լրացուցիչ միջոցներ են ձեռնարկվել՝ խորհրդարանի դարպասները զոդվել են, այգու տարածքում կենտրոնացվել են ոստիկանության ուժեր, շենքում երևացել են դիպուկահարներ։
Պատճառը ենթադրաբար ոստիկանության հայտարարությունն է, որ ժամը 16։00-ին մեկնարկող ցույցի ժամանակ կարող են լինել սադրանքներ։ Բաղրամյան պողոտայում՝ Ազգային ժողովի շենքի դիմաց հանրահավաք անցկացնող Հայրենիքի փրկության շարժման համակարգող Իշխան Սաղաթելյանը արձագանքել է այս հայտարարությանը և նշել, որ իրենք սադրանքների չեն գնալու, շենքեր չեն գրավելու։
—
Նախագահ Արմեն Սարգսյանն այսօր հանդիպել է ՀՀ Զինված ուժերի գլխավոր շտաբի պետ Օնիկ Գասպարյանի հետ: Զրուցակիցները մասնավորապես անդրադարձել են լարված իրավիճակին: Նշվել է, որ, անկախ այդ կապակցությամբ որոշումներից, առաջնահերթ կարևորություն են երկրի անվտանգությունն ու կայունությունը:
ՀՀ գլխավոր դատախազի խորհրդական Գոռ Աբրահամյանը, մեկնաբանելով լուրերը, թե ԶՈւ ԳՇ պետ Օնիկ Գասպարյանի նկատմամբ քրեական գործ հարուցելու և նրան ձերբակալելու հրահանգ է տրվել, ասել է, որ նրա հանդեպ քրեական վարույթ չկա:
—
Վարչապետ Նիկոլ Փաշինյանի որոշմամբ Վարազդատ Կարապետյանն ազատվել է Չինաստանում Հայաստանի առևտրական կցորդի պաշտոնից։ Հիշեցնենք, որ մինչ այդ Կարապետյանը ազատման դիմում էր ներկայացրել։
—
