26.03.2026 | 23:44
Քարաթափում Սիսիան-Լծեն-Տաթև ավտոճանապարհին
Առաջարկվում է ազգային փոքրամասնությունների օր նշել հոկտեմբերի առաջին կիրակին․ Բաքոյան. ՏԵՍԱՆՅՈՒԹ
Քաղաքականություն
02.03.2021 | 11:16
ԱԺ-ում քննարկվում է «Իմ քայլը» խմբակցության պատգամավոր Ռուստամ Բաքոյանի ներկայացրած՝ «Տոների և հիշատակի օրերի մասին» օրենքում փոփոխություն և լրացում կատարելու մասին» օրենքի նախագիծը երկրորդ ընթերցմամբ և ամբողջությամբ ընդունելու մասին հարցը: Նախագծով առաջարկվում է ՀՀ-ում սահմանել Ազգային փոքրամասնությունների օր՝ սեպտեմբերի վերջին շաբաթ օրը:
Պատգամավորի խոսքով՝ առաջինից երկրորդ ընթերցում փոփոխություններ են կատարվել. սեպտեմբերի վերջին շաբաթը տեղափոխվել է հոկտեմբերի առաջին կիրակի:
«Եկել ենք ընդհանուր հայտարարի, որ հոկտեմբերի առաջին կիրակին նշվի որպես Ազգային փոքրամասնությունների օր Հայաստանում: Հոկտեմբերի առաջին կիրակին, կարծում եմ, լավ ժամանակ է՝ նշելու որպես Ազգային փոքրամասնությունների օր:
Ինչո՞ւ փոխեցինք՝ սեպտեմբերի վերջին շաբաթից տեղափոխեցինք հոկտեմբերի առաջին կիրակի, որովհետև ամեն 7 տարին մեկ հնարավոր է, որ սեպտեմբերի 27-ի հետ համընկներ, և իհարկե ՀՀ քաղաքացիները, այդ թվում՝ ազգային փոքրամասնությունների ներկայացուցիչները, չեն կարող սեպտեմբերի 27-ը նշել որպես տոն, մինչև մենք չունենանք համապատասխան հաղթանակ»,- նշեց Բաքոյանը:
