26.03.2026 | 23:44
Քարաթափում Սիսիան-Լծեն-Տաթև ավտոճանապարհին
Իշխանության և ընդդիմության հանրահավաքները մեկնարկում են, Փաշինյանն այցելել է Սարգսյանին․ Լուրեր
Քաղաքականություն
01.03.2021 | 18:00
Նախագահ Արմեն Սարգսյանը և վարչապետ Նիկոլ Փաշինյանն այսօր հանդիպել են, հայտնում են նախագահականից։ Քանի որ նախագահ Արմեն Սարգսյանը վատառողջ է, վարչապետը տեսակցելու նպատակով այցելել է նրան: Քննարկվել է նաև երկրի ներքաղաքական իրավիճակը։
—
Երևանում իրար մոտ ժամերի միանգամից երկու հանրահավաք է մեկնարկում։ Վարչապետ Նիկոլ Փաշինյանը իր համակիրներին 18։30 հրավիրել է Հանրապետության հրապարակ, Հայրենիքի փրկության շարժում նախաձեռնությունն իր համակիրներին կոչ է արել 18։00 հավաքվել Ազգային ժողովի դիմաց՝ Բաղրամյան պողոտայում։
Մարդու իրավունքների պաշտպան Արման Թաթոյանը գրել է, որ բոլոր իրադարձությունները պետք է զարգանան բացառապես ժողովրդավարական ճանապարհով՝ մարդու իրավունքների նկատմամբ անվերապահ հարգանքի ու համերաշխության պայմաններում
—
Կրեմլին բավարարում է պաշտոնական Երևանի հայտարարությունն այն մասին, որ վարչապետ Նիկոլ Փաշինյանը ՌԴ նախագահ Վլադիմիր Պուտինի հետ զրույցում եկել է այն եզրահանգման, որ իրեն սխալ են զեկուցել «Իսկանդեր»-ների վերաբերյալ: Այս մասին հայտարարել է ՌԴ նախագահի խոսնակ Դմիտրի Պեսկովը, գրում է «ՌԻԱ Նովոստին»։ «Շատ կարևոր է, որ այդ հարցում ճշմարտությունը վերականգնված է»,- ասել է Պեսկովը:
—
