25.04.2026 | 11:33
Հռոմում կայացել է Հայոց ցեղասպանության 111-րդ տարելիցին նվիրված միջոցառում
Պատերազմից հետո ինչ-որ շրջանակներ դարձել են մարտ վարող. ԿԳՄՍ նախարար
Քաղաքականություն
26.02.2021 | 16:56
«Ամեն մեկը իր գործը պետք է անի: Երբ որ սկսվեց կորոնավիրուսը, հայտնի շրջանակներում բոլորը դարձան վիրուսոլոգ և սկսեցին խորհուրդներ տալ, թե ինչ պետք է անել: Հիմա էլ՝ պատերազմից հետո այդ նույն շրջանակները դարձել են ճակատամարտ վարողներ, հայտարարություններ են անում, թե ճիշտը որն էր, սխալը որն էր, չգիտեմ ինչ փաստերի հիման վրա են դա անում»,- այս մասին լրագրողների հետ զրույցում ասաց ԿԳՄՍ նախարար Վահրամ Դումանյանը:
«Եվ հիմա ևս ինչ-որ հայտարարություն է արվում ԳՇ կողմից: Իմ կարծիքով՝ զինվորականները պետք է մեր սահմանները, մեր երկրի անվտանգությունը պահպանեն: Կարելի է համաձայն չլինել այս կամ այն որոշման կամ քաղաքականության հետ, բայց ունենալով պաշտոն, պարտավոր եք կատարել այդ պաշտոնի լիազորություններով նախատեսված առաքելությունը:
Այս երևույթը նոր երևույթ չէ: Արցախյան առաջին պատերազմի ժամանակ էլ կային քաղաքական գործիչներ, որ ասում էին, իբրև թե էլեկտրաէներգիան հատուկ հողանցում է արվում օրվա իշխանությունների կողմից, որպեսզի ժողովուրդը հոսանք չունենա: Դա անհնար բան էր, դեմ էր ֆիզիկայի օրենքներին, գիտությանը, բայց ասում էին, և մարդկանց մի մասը հավատում էր դրան»,- նշեց Դումանյանը՝ ընդգծելով, որ Սահմանադրության համաձայն՝ ԳՇ-ն քաղաքականությամբ չպետք է զբաղվի:
Մանրամասները՝ տեսանյութում:
