Քաղաքականություն
25.02.2021 | 12:09Վարչապետ Նիկոլ Փաշինյանի առաջարկությամբ նախագահ Արմեն Սարգսյանը Տիրան Խաչատրյանին ազատել է Հայաստանի զինված ուժերի գլխավոր շտաբի պետի առաջին տեղակալի պաշտոնից: Մինչ այդ, հիշեցնենք, Խաչատրյանը Yerevan.today կայքի հետ զրույցում անլուրջ էր համարել Իսկանդերի 10 տոկոսով պայթելու պնդումը։
—
Արարատի զորամասի միջադեպի մասնակից ժամկետային զինծառայողների հարազատները այսօր բողոքի ակցիա են անցկացրել ՊՆ շենքի դիմաց։ Նրանց մի մասը պահանջում է իրենց երեխաների չուղարկել Արցախ ծառայության, մյուս մասը պնդում է, որ երաշխիքներ պետք է տրվեն, որ իրենց որդիները անվտանգ կհասնեն ծառայության վայրեր։
—
Ստեփանակերտցիների մի մասի կողմից առաջարկվող բնակարանային վարձերի չափերը ոչ միայն անտրամաբանական են, այլև հեռու են բարոյական նորմերից։ Այս մասին հայտարարել է Արցախի նախագահ Արայիկ Հարությունյանը խորհրդակցության ժամանակ։ Նա նշել է, որ կառավարությունը շտապ միջոցներ է կիրառելու օրենքի սահմաններում վիճակը շտկելու ուղղությամբ, իսկ, անհրաժեշտության դեպքում, անբարեխիղճ վարձատուներին զրկելու են պետական աջակցության ծրագրերից։
—
Հայրենիքի փրկության շարժում նախաձեռնության անդամները այսօր առավոտյան փակել են Երևանի մի շարք ծանրաբեռնված փողոցներ։ Նիկոլ Փաշինյանի հրաժարականի պահանջով նրանք, մասնավորապես փակել են Ազատության պողոտան, Մյասնիկյան փողոցը, Սարալանջի փողոցը և այլն։
