17.09.2026 | 16:39
Դուք պետք է չլինեք ԿԸՀ նախագահ, վառ արտահայտում եք հավասարակշռության բացակայությունը․ Կարապետյան․ ՏԵՍԱՆՅՈՒԹ
Իսկանդերը, պարտությունը և Ամուլսարը՝ Փաշինյանի բացած փակագծերը․ Լուրեր
Քաղաքականություն
24.02.2021 | 12:16
Վարչապետ Նիկոլ Փաշինյանը հերքել է երկրորդ նախագահ Սերժ Սարգսյանի ասածը այն մասին, որ զենքի գնումների պլանը անտեղի փոխվել է։ Փաշինյանը նաև ակնարկել է, որ նախկին իշխանությունների գնած Իսկանդեր հրթիռները պատշաճ չեն աշխատել պատերազմի ընթացքում։ Սա տարածվել է ադրբեջանական և ռուսական մամուլում։
Հետպատերազմական շրջանի մասին խոսելիս Փաշինյանը նշել է, որ Ամուլսարի հանքը շահագործելու հավանականությունը մեծ է:
—
Փետրվարի 23-ին Արցախի ԱԺ արտաքին հարաբերությունների հանձնաժողովը քննարկել է Ադրբեջանի վերահսկողության տակ հայտնված Արցախի տարածքների իրավական կարգավիճակի մասին հայտարարության նախագիծը, այն դրական եզրակացություն է ստացել և կքննարկվի առաջիկա լիագումար նիստում։
—
Ադրբեջանական իշխանություններն արհեստական ձգձգում, քաղաքականացնում են գերիների վերադարձի գործընթացը՝ հայ հասարակությանն ու հատկապես գերիների ընտանիքներին հոգեկան տառապանքներ պատճառելու ու երկրում լարվածություն առաջացնելու նպատակով։ Այս մասին ՄԻՊ Արման Թաթոյանը ասել է Եվրամիության հատուկ ներկայացուցիչ Տոյվո Կլաարին ընդունելիս։
