19.12.2025 | 19:33
Յուրա Մովսիսյանը լավատեսորեն է տրամադրված Հայաստանի հավաքականի ապագայի վերաբերյալ
ՀՀ-ն անկայունություններին դիմակայելու ռեսուրս չունի, իշխանությունը պետք է զիջի. Կարեն Սիմոնյան. ՏԵՍԱՆՅՈՒԹ
Քաղաքականություն
23.02.2021 | 15:11
«Որևէ մեկի համար գաղտնիք չէ, որ առաջացած նոր սահմանը խոցելի է ՀՀ-ի համար և պետք է ձեռնարկել բոլոր հնարավոր միջոցները՝ այդ սահմանը անվտանգ դարձնելու համար․ ռուսական ռազմաբազայի կամ զինուժի առկայությունն այդ պայմաններից մեկն է»,- այս մասին ԱԺ-ում ասաց «Լուսավոր Հայաստան» խմբակցության պատգամավոր Կարեն Սիմոնյանը՝ անդրադառնալով հարցին, թե ինչպես է վերաբերվում ՊՆ Վաղարշակ Հարությունյանի այն հայտարարությանը, որ Հայաստանում երկրորդ ռուսական ռազմաբազայի անհրաժեշտություն չկա՝ հաշվի առնելով, որ վերջին շրջանում «Լուսավոր Հայաստանը» խոսում էր Սյունիքում երկրորդ ռազմաբազա ստեղծելու անհրաժեշտության մասին:
«Առաջիկայում պետք է հասնենք նրան, որ մենք՝ ինքներս կարողանանք ապահովել մեր սահմանների անվտանգությունը,- նշեց Սիմոնյանը:
Նրա խոսքով՝ Պաշտպանության նախարարի հայտարարությունը իրենց առաջարկից բխող էր․ «Մենք կարծում ենք, որ հնարավոր բոլոր տարբերակները պետք է կիրառել ՀՀ քաղաքացիների անվտանգությունն ապահովելու համար, այս պահին անվտանգությունն առաջնահերթ խնդիր է ՀՀ-ի համար»։
Անդրադառնալով ներքաղաքական իրավիճակին և հարցին, թե հնարավո՞ր է ինչ-որ պահի ԼՀԿ-ն միանա փողոցի պայքարին, Սիմոնյանը նշեց, որ երբևէ չեն բացառել, որ կան պայքարի տարբեր մեխանիզմներ, բայց իրենց համար ընդունելի է քաղաքական պայքարի ճանապարհով հանգուցալուծման գնալը:
«Չեմ բացառում, որ գործընթացները կարող են գնալ այն փուլով, որ իրավիճակը վերահսկողությունից դուրս գա, բայց պետք է գնալ այն ճանապարհով, որ Հայաստանում տեղի ունեցող բոլոր գործընթացները լուծվեն քաղաքական ճանապարհով»,- նշեց պատգամավորը:
Անդրադառնալով «17+»-ի ապստամբելու և իշխանության՝ կրակելու մոնոպոլ իրավունք ունենալու վերաբերյալ հայտարարություններին, Սիմոնյանը նշեց, որ իրենք դատապարտում են ցանկացած բռնություն և բռնության կոչ․« ՀՀ-ն անկայունություններին դիմակայելու ներքին ռեսուրս չունի: Ցանկացած բռնի գործողություն՝ կլինի պետության կողմից, թե ընդդիմադիր որևէ ուժի կողմից բերելու է նրան, որ պետության այն հատվածը, որը մնացել է, դա էլ փլուզվի: Իսկ քաղաքական պայքարի ճանապարհն ամենաանցնցումն է»։
Սիմոնյանը նշեց, որ ընդդիմության մի քանի ուժեր ցույցերի միջոցով են փորձում ստեղծել հասարական ճնշում իշխանության նկատմամբ, ԼՀԿ-ն դա անում է հանդիպումների միջոցով. «Նպատակն այն է, որ իշխանությունը հասականա, որ չունի հասարակության աջակցությունը և գնա արտահերթ ընտրությունների»:
Մանրամասները՝ տեսանյութում:
