17.09.2026 | 18:59
Թուրք ընդդիմադիր պատգամավորը Հայաստան-Թուրքիա սահման է այցելել և կոչ է արել բացել այն
Վրաստանի խորհրդարանը կքվեարկի կառավարության նոր կազմի օգտին
Քաղաքականություն
22.02.2021 | 10:58
Վրաստանի խորհրդարանն այսօր կքվեարկի կառավարության նոր կազմի օգտին, սակայն լիագումար նիստից առաջ վարչապետի թեկնածու Իրակլի Ղարիբաշվիլին և նախարարների թեկնածուները կհանդիպեն «Վրացական երազանք» կուսակցության անդամների հետ՝ խմբակցության ձևաչափով։ Այս մասին գրում է Sputnik-Georgian:
Վրաստանի կառավարության ղեկավարի պաշտոնը թափուր է մնացել այն բանից հետո, ինչ Գեորգի Գախարիան հայտարարել էր իր հրաժարականի մասին։ Քաղաքական գործիչը նման որոշում էր կայացրել երկրում ստեղծված քաղաքական ճգնաժամի պատճառով՝ հայտարարելով, որ չի կարողացել իր թիմի հետ համաձայնության գալ ընդդիմադիր «Միասնական ազգային շարժում» կուսակցության նախագահ Նիկի Մելիայի ձերբակալության շուրջ։ Իշխող «Վրացական երազանք-Դեմոկրատական Վրաստան» կուսակցության նախագահությունը երկրի վարչապետի պաշտոնում առաջադրել է Իրակլի Ղարիբաշվիլիի թեկնածությունը։
Ընդդիմության ներկայացուցիչները հրաժարվել են խմբակցության ձևաչափով թեկնածուների հետ հանդիպումից, իսկ իրենց հարցերը կտան նիստի ժամանակ։
Երկրի վարչապետ ընտրվելու համար Ղարիբաշվիլին պետք է ստանա խորհրդարանի պատգամավորների առնվազն 76 տոկոսի վստահությունը։ Եթե վարչապետի թեկնածությունը երկու անգամ չհավաքի պահանջված քվեների քանակը, նախագահը իրավունք ունի ցրել խորհրդարանն ու նոր ընտրություններ նշանակել։
Վրաստանի օրիենսդիր մարմինը երկու օրվա ընթացքում արագացված կարգով լսել է նախարարների թեկնածուներին։ Խորհրդարանական հանձնաժողովները ձայների մեծամասնությամբ վստահություն են հայտնել Իրակլի Ղարիբաշվիլիի նախարարների կաբինետին։
Տաթև Ֆռանգյան
