18.04.2026 | 13:49
Հարազատի գերեզմանին է այցելել, նամակ գրել ու այդ արարքն արել․ Փաշինյանը՝ ինքնասպան եղած զինվորի մասին․ ՏԵՍԱՆՅՈՒԹ
Իշխանությունը որոշել է կացնի ձևով պատժել իրեն վիրավորողին` հավելյալ աշխատելու փոխարեն. Մելիքյան․ ՏԵՍԱՆՅՈՒԹ
Հասարակություն
19.02.2021 | 14:37
Այս սահմանափակումները և պատժամիջոցների կիրառումը լուրջ խոչընդոտ են հանդիսանալու խոսքի ազատության և ԶԼՄ-ների անկաշկանդ գործունեության համար: Այս մասին «Պաշտոնյաներին վիրավորելն ու զրպարտելը կքրեականացվի՞․ինչու են նախաձեռնվում հակաժողովրդավարական քայլեր» թեմայով առցանց քննարկման ժամանակ նշեց Խոսքի ազատության պաշտպանության կոմիտեի նախագահ Աշոտ Մելիքյանը:
«Ինֆորմացիոն դաշտը հեղեղված է մանիպուլյացիաներով, վիրավորանքներով ու զրպարտանքներով, բայց գիտենք, որ դրա դեմ բազմաթիվ այլ քաղաքակիրթ պայքարի մեթոդներ կան, որոնք աշխատատար են: Եվ իշխանությունը որոշել է կացնային ձևով պատժել ցանկացած վիրավորողի ու զրպարտողի»,- նշեց Մելիքյանը՝ նկատելով, որ շատ հաճախ պաշտոնյաները քննադատությունն ընդունում են որպես զրպարտություն կամ վիրավորանք և փորձում են հաշվեհարդար տեսնել լրագրողների և լրատվամիջոցների հետ:
Մելիքյանը նաև ընդգծեց, որ պաշտոնյաները «վերին արտի ցորեն չեն», սակայն ներկայացված օրինագծով հավելյալ պաշտպանություն է ապահովվում պաշտոնյաների համար, մինչդեռ պետք է շատ ավելի լայն լինեն նրանց քննադատության սահմանները. «Լրագրողները կարող են այս առումով դիմել չափազանցությունների և նույնիսկ սադրանքների, և դրան պետք է պատրաստ լինի պետական պաշտոնյան»:
«Այս օրինագծի լույսի ներքո կարելի է ենթադրել, որ ցուցարարին ծեծող ոստիկանին զգեստավոր գազան անվանողին կնստացնեն: Մինչդեռ ՄԻԵԴ-ի որոշմամբ, եթե գնահատող դատողությունը փաստերի հիման վրա է արվել, դա չի դիտվում որպես վիրավորանք կամ զրպարտություն»,- նշեց Մելիքյանը:
Հիշեցնենք՝ Հայաստանում զրպարտությունն ու վիրավորանքը ապաքրեականացվել են 2010-ին։ Գլխավոր դատախազությունն այժմ առաջարկում է քրեականացնել զպարտությունն ու վիրավորանքը, եթե դրանք ուղղված են իշխանության ներկայացուցչին, պետական կամ համայնքային քաղաքական պաշտոնյանին ու կապված են նրանց ծառայողական պարտականությունների հետ։
Մանրամասները՝ տեսանյութում:
