20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Բաքվում COP29-ի ընթացքում աշխատակիցներից մեկը բողոքի ակցիա է իրականացրել աշխատավարձի չվճարման համար
Քաղաքականություն
18.11.2024 | 22:22
Բաքվում ընթացող ՄԱԿ-ի կլիմայական համաժողովի ընթացքում անհատական բողոքի ակցիա է տեղի ունեցել։ Ադրբեջանական աղբյուրների փոխանցմամբ՝ ակցիան իրականացրել է Իսմայիլ Ջաֆարսոյը, որը տեխնիկական անձնակազմի աշխատակիցներից է։
Նա հայտարարել է, որ ոտնահարվում են ավելի քան 500 աշխատողների իրավունքները, որոնց աշխատավարձը չի վճարվում։ Նրա խոսքով՝ նոյեմբերի համար վարձված աշխատողներին խոստացել են օրական 20 մանաթ վճարել։
«Հայտնի չէ՝ արդյունքում որքան են մեզ վճարելու։ Մենք աշխատում ենք օր ու մեջ, և հիմա մեզ հայտարարում են, որ կվճարեն միայն մեր աշխատած օրերի համար, թեև նախկինում նման բան չէր ասվում։ 500 աշխատողների մեծ մասն ուսանողներ են, և նրանց իրավունքները ոտնահարվում են»,- հայտարարել է Ջաֆարսոյը։
Ակցիայի ժամանակ անվտանգության աշխատակիցները նրան դուրս են բերել սրահից և ձերբակալել։ Երիտասարդին զրկել են հավատարմագրումից, արգելվել է նրա հետագա աշխատանքը համաժողովում։
Թարգմանությունը՝ Էմմա Չոբանյանի
