13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ադրբեջանի նավթագազային եկամուտները կնվազեն ավելի քան 441 մլն դոլարով․ ֆինանսների նախարար
Քաղաքականություն
18.11.2024 | 22:30
Ադրբեջանում նավթագազային հատվածի եկամուտները կնվազեն 750 մլն մանաթով կամ ավելի քան 441 մլն դոլարով։ Այս մասին այսօր Միլլի Մեջլիսի տնտեսական քաղաքականության, արդյունաբերության և ձեռներեցության հանձնաժողովի նիստում «Ադրբեջանի Հանրապետության 2025 թվականի պետական բյուջեի մասին» օրենքի նախագծի քննարկման ժամանակ ասել է Ադրբեջանի ֆինանսների նախարար Սամիր Շարիֆովը։
Նա հայտարարել է, որ եկամուտների նվազումը պայմանավորված է նավթային հանքավայրերի սպառմամբ։
«Դրանք շահագործվում էին տարիներով։ Կառավարությունը քայլեր է ձեռնարկում այդ ուղղությամբ։ Ոչ նավթային հատվածում դրական փոփոխություններ են տեղի ունենում։ Մենք ունենք 960 մլն մանաթի եկամուտ ոչ նավթային հատվածից»,- նշել է Շարիֆովը։
Նա հավելել է, որ 2025 թվականի Ադրբեջանի բյուջեում նավթի գինը մեկ բարելի համար 70 դոլար է նախատեսվում։ Այս տարի գինը սահմանվել էր 75 դոլար։
Թարգմանությունը՝ Էմմա Չոբանյանի
