08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Ֆինլանդիայի ռազմածովային ուժերը խոշոր զորավարժություններ են անցկացնում Բալթիկ ծովում ՆԱՏՕ-ի մասնակցությամբ
Քաղաքականություն
18.11.2024 | 22:55
Ֆինլանդիայում և Բալթիկ ծովի հյուսիսում մեկնարկել են ՆԱՏՕ-ի ռազմածովային ուժերի Freezing Winds-24 լայնածավալ զորավարժությունները, որոնք ուղղված են տարածաշրջանի անվտանգության ամրապնդմանը, հայտնում է ERR-ը։
Զորավարժություններին մասնակցում է շուրջ 4 հազար զինվորական և 30 ռազմանավ, ինչպես նաև մատակարարման նավեր։ Վարժանքները ղեկավարվում են Ֆինլանդիայի ռազմածովային ուժերի կողմից և ներառում են ԱՄՆ-ից, Ֆրանսիայից և Բալթյան երկրներից դաշնակիցների։
Հիմնական նպատակն է փոխգործակցության և ռազմածովային ուժերի պատրաստվածության բարձրացումը Բալթիկ ծովի տարածաշրջանում համատեղ գործողությունների համար: Զորավարժությունները կտևեն մի քանի օր և ուղղված են դաշնակիցների պաշտպանունակության ամրապնդմանը Եվրոպայում անվտանգային իրավիճակի փոփոխության պայմաններում։
Հիշեցնենք, որ ԱՄՆ-ը, Ճապոնիան և Հարավային Կորեան էլ Freedom Edge լայնածավալ զորավարժություններ են անցկացնում։
Թարգմանությունը՝ Տաթև Ֆռանգյանի
