20.05.2026 | 21:27
ԱԺԲ-ի մեքենան վերադարձվել է. ըստ ՆԳՆ-ի՝ այն վերասարքավորված է եղել և գովազդի կանոնների խախտում է ունեցել
Մեկ տարվա բացակայությունից հետո Կիմ Չեն Ընի կինը հայտնվել է հանրության առաջ
Քաղաքականություն
17.02.2021 | 13:26
Հյուսիսային Կորեայի առաջնորդ Կիմ Չեն Ընի կինը վերջին մեկ տարվա ընթացքում առաջին անգամ հայտնվել է հանրության առջև։ Այս մասին հայտնում է BBC news-ը՝ հղում կատարելով տեղի ԶԼՄ-ներին։
Ռի Սո Յուն ամուսնու հետ մասնակցել է Կիմի հոր՝ Հյուսիսային Կորեայի նախկին առաջնորդ Կիմ Ջոնգ Իլի հիշատակին նվիրված համերգին։
Նախկինում Ռին մշտապես ուղեկցում էր ամուսնուն տարբեր միջոցառումների ժամանակ, սակայն անցյալ տարվա հունվար ամսից հետո՝ շուրջ մեկ տարվա ընթացքում չի հայտնվել հանրային վայրերում։ Նրա բացակայության պատճառով խոսակցություններ էին սկսել պտտվել վերջինիս հնարավոր հղիության կամ առողջական խնդիրների վերաբերյալ։
Հաղորդվում է, որ Հարավային Կորեայի ազգային հետախուզական ծառայությունը երեկ կոնգրեսականներին հայտնել էր, որ տիկին Ռին խուսափում է հասարակության մեջ հայտնվելուց ՝ Covid-19- ի հետ կապված մտահոգությունների պատճառով և, հնարավոր է, ժամանակ էր անցկացնում իր երեխաների հետ:
Հավելենք, որ Հյուսիսային Կորեան պաշտոնապես չի հայտարարել Covid-19 դեպքերի մասին, չնայած մասնագետները պնդում են, որ դա քիչ հավանական է:
Տաթև Ֆռանգյան
