«Իշխանությունը ճամպրուկ չէ, որ Սերժ Սարգսյանը փոխանցեր Կարեն Կարապետյանին». Արման Եղոյան. ՏԵՍԱՆՅՈՒԹ

«Ինչպես որ Սերժ Սարգսյանի պաշտոնավարման օրոք է Ադրբեջանն ասել, որ չի գնա մի այնպիսի համաձայնության, որով հնարավորություն է տրվելու Արցախին ինքնորոշովել՝ Ադրբեջանի կազմից դուրս, այնպես էլ նույն բանն ասել է մեր իշխանության օրոք, այսինքն՝ բանակցային պրոցեսի տրամաբանությունը չի փոխվել, փոխվել է տարածաշրջանում բալանսը, ուժերի հարաբերակցությունը»,-այս մասին Factor.am-ի հետ զրույցում նշեց Արման Եղոյանը:

Անդրադառնալով դիտարկմանը, որ փաստորեն նախկինում ՀՀ նախագահներ Տեր-Պետրոսյանը և Ս. Սարգսյանը կողմնակից է եղել Ադրբեջանին վերադարձնել 5+2 շրջանները, Եղոյանը նշեց. «Դա հիմա պարզվեց. պարտությունից հետո պարզվում է, որ բոլորը կառուցողակա՞ն էին, ու գործող վարչապե՞տն է դարձել «ոչմիթիզական»:

Մեր կողմից որոշ չափով փորձ արվեց բանավեճ ծավալել, որ եթե մենք ուզում ենք ինչ-որ բան ստանալ, դիմացինն էլ է ուզում ստանալ: Այդ դիսկուրսը գրոհի ենթարկվեց հենց ՀՀԿ-ի կողմից: Եթե Ս. Սարգսյանի ասելով՝ պետք էր գնալ այն լուծումներին, որ առաջարկվում էին, ինչո՞ւ էր այդ գաղափարը տորբեդահարվում իրենց լրատվամիջոցների, փորձագետների ու քաղաքական գործիչների կողմից»:

Եղոյանի խոսքով՝ Ղարաբաղյան հարցի փուլային տարբերակով լուծումը ընդամենը հետաձգելու էր պատերազմը:

Անդրադառնալով Սերժ Սարգսյանի հայտարարությանը, թե ինքը իշխանությունը փոխանցել է Կարեն Կարապետյանին, ոչ թե «սրանց»՝ այս իշխանությանը, Եղոյանը նշեց. «Իշխանությունը ճամպրուկ չէ, որ Ս. Սարգսյանը փոխանցեր Կարեն Կարապետյանին: Ժողովրդից գողացված իշխանությունը վերադարձվել էր ժողովրդին, ժողովուրդն էլ իշխանությունն իրացնելու լիազորությունը տվեց մեզ»:

Մանրամասները՝ տեսանյութում: