08.10.2026 | 12:22
Առինջում թրաֆիքինգի և սեռական շահագործման գործով 2 օտարերկրացի է ձերբակալվել
Էս դահլիճում կան մարդիկ, որոնք անբարոյականության մարմնավորում են․ Տիգրան Ուրիխանյան
Քաղաքականություն
11.02.2021 | 14:44
Այս դահլիճում կան մարդիկ, որոնք անբարոյականության մարմնավորում են և ամեն առավոտ լույսը բացելով՝ ինչ-որ մեկի գլխին բերում են այդպիսի պատմություն: Դուք հիմա սա բերել եք, որովհետև չոքել է ձեր դո՞ւռը։ ԱԺ նիստում նման հայտարարությամբ հանդես եկավ պատգամավոր Տիգրան Ուրիխանյանը:
Նշենք, որ խորհրդարանում քննարկվում է ԱԺ փոխնախագահ Ալեն Սիմոնյանի հեղինակած նախագիծը, որով առաջարկվում է վիրավորանքի և զրպարտության համար փոխհատուցման չափերը մեծացնել՝ վիրավորանքի համար սահմանելով 5 մլն դրամ, զրպարտության համար՝ 10 մլն: Գործադիրն առաջարկում է փոխհատուցման չափերը այդքան չբարձրացնել և սահմանափակվել վիրավորանքի համար սահմանելով 2 մլն դրամ, իսկ զրպարտության համար՝ 3 մլն։
«Այ իմ սիրելի՛ գործընկերներ, այս ի՞նչ եղավ, ո՞նց եղավ, որ հիշեցիք վիրավորանքի և զրպարտության մասին: Ես կողմ եմ, որ հարցը պետք է լրջորեն քննարկվի, պատասխանատվություն լինի, որ պետք է քրեականացնել, բայց սա որտեղի՞ց եկավ: Այս դահլիճում նստած մարդկանցից շատերը տարբեր ժամանակներում լսել են իրենց, իրենց ծնողների, իրենց կանանց, երեխաների, մերձավորների մասին այնպիսի սարսափելի բաներ, ձեր խոնարհ ծառան էլ՝ ներառյալ, որ երբեմն մտածում ես՝ բա արժի՞ դրանից հետո շարունակել գործունեությունդ»,- նշեց պատգամավորը:
Նա ընդգծեց, որ խնդիրն ունի արմատական լուծման անհրաժեշտություն:
Մանրամասները՝ տեսանյութում:
