17.09.2026 | 16:17
Ալեն Սիմոնյանը ներկայացրել է Հայաստանի ազգային անվտանգության դոկտրինի հիմնական սկզբունքներն ու առաջնահերթությունները
Սոֆյա Հովսեփյանը, Արման Բաբաջանյանը և ԲՀԿ-ի պատգամավորները Վահան Բադասյանին ազատ արձակելու երաշխավորություն են ներկայացրել ԱԱԾ
Քաղաքականություն
10.02.2021 | 15:17
Ազգային ժողովի ԲՀԿ-ական պատգամավորներ Նաիրա Զոհրաբյանը, Իվետա Տոնոյանը, Վահե Էնֆիաջյանը, Գևորգ Պետրոսյանը, Միքայել Մելքումյանը, Արման Աբովյանը, անկախ պատգամավոր Արման Բաբաջանյանը և «Իմ քայլը» լքած Սոֆյա Հովսեփյանը անձնական երաշխավորություն են ներկայացրել ԱԱԾ՝ Վահան Բադասյանի խափանման միջոց կալանքը չհեռանալու մասին ստորագրությամբ փոխարինելու համար։ Տեղեկությունը Factor.am-ի հետ զրույցում հայտնեց Նաիրա Զոհրաբյանը:
Հիշեցնենք՝ Երևանի ընդհանուր իրավասության դատարանը, դատավոր Մանվել Շահվերդյանի նախագահությամբ, բավարարել էր Արցախի ԱԺ նախկին պատգամավոր Վահան Բադասյանի նկատմամբ կալանավորումը որպես խափանման միջոց ընտրելու մասին ԱԱԾ քննիչի միջնորդությունը։
ԱԱԾ-ն Վահան Բադասյանին ձերբակալել էր «Եռաբլուր»-ում լրագրողների հետ զրույցում հնչեցրած հայտարարությունների համար։ Բադասյանը լրագրողների հետ զրույցում ասել էր, թե Նիկոլ Փաշինյանին պետք է հեռացնել․ ««Այսինքն՝ դա ենթադրում է, որ թշնամուն մենք պետք է վերացնենք… այո՛, նաև զենքի միջոցով… այո՛, ես սպառնալիքի կոչեր եմ անում և գիտակցաբար եմ անում, թող ԱԱԾ-ն ինձ ձերբակալի»։
Նարեկ Կիրակոսյան
