18.04.2026 | 10:23
Վաղը Նուբարաշենից Բարձրաշեն ճանապարհը ժամանակավորապես կփակվի
Համայնքապետարանից պետք է այցելեն զինվորականների տներ․ կազմակերպչական խնդիրներ կան․ Սերգեյ Բագրատյան. ՏԵՍԱՆՅՈՒԹ
Հասարակություն
09.02.2021 | 17:39
ԱԺ պատգամավոր Սերգեյ Բագրատյանը խորհրդարանում հայտարարությունների ժամին տեղեկացրեց, որ հանդիպել է զոհվածի ընտանիքի անդամների, որոնք մտահոգված էին գումարների ուշացումով:
«Ստացել էին ընդամենը 700 հազար դրամ և այն 10 մլն-ը, որը նախատեսված էր, մինչև օրս որևէ առաջընթաց կամ որևէ հիմնավորում չունեին, թե ինչու չեն ստացել»,- հայտարարեց պատգամավորը և հայտնեց, որ քաղաքացիները իրավական օգնության և այլ հարցերով բազմաթիվ պատկան դռներ են թակել և պատասխան չեն ստացել:
Պատգամավորը նաև իր երեք այցերի մասին մանրամասներ ներկայացրեց՝ արձանագրելով խնդիրներ:
«Ամփոփելով այս 4 այցը՝ եկա այն եզրակացության, որ օպերատիվ շտաբը կազմակերպչական լուրջ թերացումներ ունի այս աշխատանքների կազմակերպման գործում»,- ասաց պատգամավորը՝ առաջարկելով համայնքապետարաններին հանձնարարել, որ իրենց աշխատակիցների միջոցով այցելեն զինվորականների բնակարանները, փաստաթղթերը հավաքեն և փոխանցեն օպերատիվ շտաբին:
Մանրամասները՝ տեսանյութում:
