10.05.2024 | 01:47
Որքան մարդ է մասնակցել հանրահավաքին. ԻՔՄ-ի հաշվարկը
Այսօրվանից ՌԴ 3 շրջաններում քառօրյա լայնածավալ զորավարժություններ են սկսվել
Քաղաքականություն
08.02.2021 | 13:31
Ռուսաստանի Իվանովոյի, Կոստրոմայի և Յարոսլավլի մարզերում սկսվել են դեսանտայինների լայնամասշտաբ զորավարժությունները։ Այս մասին հայտնում է ՌԴ ՊՆ տեղեկատվության և զանգվածային հաղորդակցության վարչությունը, գրում է «ՌԻԱ Նովոստին»:
Տեղեկացվում է, որ զորավարժությունները տեղի կունենան փետրվարի 8-ից 11-ը:
«Ներգրավված է ավելի քան 1500 զինծառայող, Կոստրոմայի գվարդիական պարաշյուտադեսանտային և հրետանային գնդերի մոտ 100 միավոր ռազմական և հատուկ տեխնիկա, ինչպես նաև Տվերից յոթ «Իլ -76 ՄԴ» ռազմական տրանսպորտային ինքնաթիռ», – ասվում է հաղորդագրության մեջ:
Այսօր առավոտյան Իվանովոյի գվարդիական պարաշյուտադեսանտային գնդի երկու ստորաբաժանումները ուղևորվել են «Իվանովո-Հյուսիսային» օդանավակայան, որտեղ պլանավորել են իրենց գործողություններն ու սկսել են պատրաստել տեխնիկան տեղափոխման համար։
Զինծառայողները պետք է վայրէջք կատարեն Կոստրոմայի շրջանի Բուդիկինո տեղամասում, ապա գրավեն և ոչնչացնեն ապօրինի զինված կազմավորումների զորքերի հրամանատարական կետն և ուսումնամարզական ճամբարը:
Նախատեսվում է իրականացնել BMD-2, AK-12 գրոհային հրացաններից, PKM և Pecheneg գնդացիրներից, RPG-7D նռնականետերից և դիպուկահար զենքերից, 120 մմ 2S9 Nona-S ինքնագնաց հրետանու և 122 մմ տրամաչափի D-30 հաուբիցներից կենդանի կրակ։
Տաթև Ֆռանգյան
