21.05.2026 | 20:57
ՆԳՆ-ն սահմանափակել է ֆիշինգային SMS-ների տարածումը, բայց վտանգը պահպանվում է iMessage և RCS հարթակներում
ԼՂ-ում ռուս խաղաղապահները սկսել են ստանալ կորոնավիրուսի դեմ պատվաստանյութի երկրորդ չափաբաժինը
Քաղաքականություն
05.02.2021 | 11:41
ՌԴ խաղաղապահ զորախմբի ռազմական բժիշկները ԼՂ-ում սկսել են խաղաղապահներին պատվաստել «Արբանյակ V» պատվաստանյութի երկրորդ բաղադրիչով։ Այս մասին հայտնում են ՌԴ ՊՆ-ից։
Առաջինը պատվաստանյութը ստացել են խաղաղապահ զորախմբի հրամանատարությունը, ինչպես նաև բժշկական ստորաբաժանումների զինծառայողները, որոնք տեղակայված են Ստեփանակերտ քաղաքում։ Հետագայում, համաձայն հաստատված ժամանակացույցի՝ բժիշկների արտագնա խմբերը պատվաստում կիրականացնեն խաղաղապահ զորախմբի անձնակազմին, որոնք դիտորդական առաքելություն են իրականացնում բոլոր 27 դիտորդական կետերում։
Ընդհանուր առմամբ Լեռնային Ղարաբաղ է հասցվել շուրջ 2000 չափաբաժին պատվաստանյութ։ Այս խմբաքանակը բավական է խաղաղապահ ողջ զորախումբը պատվաստելու համար։ ՌԴ ՊՆ-ից տեղեկացվում է, որ պատվաստումը ստանալուց հետո զինծառայողներին հատուկ սերտիֆիկատ է հանձնվում, որում նշվում է պատվաստանյութի առաջին ու երկրորդ բաղադրիչների ներարկման օրերը։
Տաթև Ֆռանգյան
