10.08.2026 | 19:00
Վարժական հավաքներին մասնակցած արտերկրում աշխատողների կորցրած եկամուտը չի փոխհատուցվում
Հայ եկեղեցու պատմության ու գրականության հետ կապված ի՞նչ լուծումներ գտանք․ վարչապետը՝ փոխնախարարին. ՏԵՍԱՆՅՈՒԹ
Հասարակություն
04.02.2021 | 13:15
Կառավարության աիսյօրվա՝ փետրվարի 4-ի նիստում Հանրակրթության պետական նոր չափորոշիչի հարցը քննարկելիս ՀՀ վարչապետ Նիկոլ Փաշինյանը ԿԳՄՍ փոխնախարար Ժաննա Անդրեասյանին խնդրեց անդրադառնալ նաև հայ եկեղեցու, հայոց պատմության և հայ գրականության առարկաների շուրջ բարձրացված աղմուկին:
Հարցին պատասխանեց ԿԳՄՍ նախարար Վահրամ Դումանյանը՝ վստահեցնելով, որ աղմուկը, որ կար այդ հարցերի շուրջ, այս պահին չկա:
«Այս պահին ասելով՝ նկատի ունե՞ք դահլիճում»,- կատակեց Նիկոլ Փաշինյանը: Իսկ նախարարը նշեց, որ նկատի ունի վերջին մեկուկես ամսվա ընթացքում:
Նախարարը հավելեց, որ հիմա «Հայ եկեղեցու պատմություն» առարկայի թեմայով քննարկումների մեջ են. «Ինչ վերաբերում է «Հայոց պատմություն» և «Հայ գրականություն» առարկաներին, ապա միասնական հանդիպում է եղել ԳԱԱ մեր գործընկերների հետ, քննարկել ենք և հասկացել ենք, թե իրական աղմուկը ինչի շուրջ էր, այդ պատճառները վերացված են, այլևս չկան այն առիթները, որպեսզի աղմուկը զարգանա: Անցել ենք գործնական փուլ, և որևէ կոնֆլիկտ գոյություն չունի այս ժամանակահատվածում»,- ասաց Դումանյանը:
Մանրամասները՝ տեսանյութում:
