16.12.2025 | 20:08
Գավառի տարածաշրջանում թույլ ձյուն է տեղում
Ադրբեջանի պատճառով այսօր որոնողական աշխատանքներ չեն իրականացվի
03.02.2021 | 11:40
Արցախում այսօր որոնողական-փրկարարական աշխատանքներ չեն իրականացվի․ պատճառն այն է, որ Ադրբեջանը շինարարական աշխատանքներ է կատարում, ենթադրաբար օդանավակայանի։ Այս մասին Factor.am-ի հետ զրույցում ասաց Արցախի ՆԳՆ տեղեկատվության և հասարակայնության հետ կապերի բաժնի պետ Հունան Թադևոսյանը։
Այսօր որոնողական աշխատանքներ պետք է իրականացվեին Ֆիզուլիի ու Ջաբրաիլի ուղղությամբ, սակայն վերջին պահին ադրբեջանցիներն առանց որևէ պատճառ նշելու թույլ չեն տվել:
«Որոնողական խմբերն առավոտյան պատրաստվել էին, որ գնային, զանգել են ու ասել, որ աշխատանքներ չեն լինելու»,- ասաց նա։
Նա նաև նշեց, որ երեկ իրականացված որոնողական աշխատանքների արդյունքում Արցախի փրկարարական ջոկատները Հադրութ քաղաքի մերձակայքից հայտնաբերել են ևս 1 աճյուն: Ինքնությունը պարզելու նպատակով նշանակվել է դատաբժշկական փորձաքննություն։
Նա նշեց, որ հնարավոր է և քաղաքացիական անձ լինի, քանի որ քաղաքի մոտ է հայտնաբերվել։ Նշենք, որ պատերազմի ավարտից մինչև փետրվարի 2-ի տվյալներով հայտնաբերվել է ընդհանուր 1353 աճյուն:
