07.05.2024 | 22:05
Բախվել են ավտոմեքենաներ. կան տուժածներ
Վաղվա պատերազմը, որը պարտադրված կարող է լինել, լինելու է հեռահար պատերազմ․ Անդրանիկ Քոչարյան. ՏԵՍԱՆՅՈՒԹ
Քաղաքականություն
01.02.2021 | 12:25
Փետրվարի 1-ին Ազգային ժողովում Գիտության, կրթության, մշակույթի, սփյուռքի, երիտասարդության եւ սպորտի հարցերի խորհրդարանական մշտական հանձնաժողովի նախաձեռնությամբ լսումներ են անցկացվում «Գիտությունը՝ որպես անվտանգության եւ զարգացման հենասյուն» թեմայով:
«Պատերազմի ընթացքում բոլորը անընդհատ խոսում էին մեր «օդի բաց լինելու» մասին, ԱԺ-ում մենք՝ պատգամավորներով մտածում էինք՝ ինչ հնարավորություններ կան, ինչ կարելի է բերել, բայց դրա մասին պետք էր տարիներ շարունակ մտածել՝ առաջնահերթ գիտությունը բերելով դեպի բանակ: Պատերազմը մեզ ստիպեց հասկանալ, որ ժամանակակից պատերազմները անվտանգության համակարգում առանց գիտության ներգրավման չեն լինում»,- նշեց ԱԺ պաշտպանության և անվտանգային հարցերի մշտական հանձնաժողովի նախագահ, ԱԺ «Իմ քայլը» խմբակցության պատգամավոր Անդրանիկ Քոչարյանը:
Նա նաև ընդգծեց, որ վաղվա պատերազմը, որը պարտադրված կարող է լինել, լինելու է հեռահար պատերազմ: «Շատ կարևոր է, որ մեր մտորումները լինեն հստակ: Արդյոք մենք 2016-ի պատերազմից դասեր քաղե՞լ էինք, չէ՞ որ այդ պատերազմում էլ անօդաչու թռչող սարքերը հակառակորդին տվեցին առավելություն: Այս լսումներից հետո բանակի հետ աշխատելու ծրագիր ունե՞նք: Վաղվա պատերազմը կարող է լինել հեռահար կառավարվող. մենք պետք է մի քայլ առաջ լինենք, բայց ոգեղեն զինվորով, ոչ թե անտարբեր հրամկազմով: Այս պատերազմը մեզ ասաց՝ շրջվեք դեպի գիտություն»,-նշեց Քոչարյանը:
Մանրամասները՝ տեսանյութում:
