03.11.2026 | 22:44
Առանց արհեստական ձյան լեռնադահուկային հանգստավայրերը չեն կարողանա գործել. Ազիզյան
Վրաստանի ԱԳՆ ղեկավարը վարակվել է կորոնավիրուսով․ Զարիֆի հետ հանդիպումը չի կայանա
Քաղաքականություն
27.01.2021 | 16:23
Վրաստանի արտգործնախարար Դավիթ Զալկալիանիի մոտ կորոնավիրուս է հայտնաբերվել։ Այս մասին հայտնել է անձամբ Զալկալիանին Ֆեյսբուք սոցկայքի իր էջում, փոխանցում է EurAsia Daily-ն։
«Հունվարի 23-ին վարակվածների հետ շփումից հետո, ես մեկուսացել եմ։ Սահմանված ժամկետից հետո ՊՇՌ թեստավորում են արել։ Արդյունքում ինձ մոտ ևս հաստավել է Covid-19 ինֆեկցիա։ Այժմ ես ինձ լավ եմ զգում։ Հետևում եմ բոլոր ցուցումներին, բուժում եմ ստանում տանը։ Հուսով եմ՝ շուտով կվերադառնամ իմ սովորական կենսակերպին»,- գրել է Զալկալիանին։
Հավելենք, որ վրաց նախարարի հիվանդանալը համընկել է Իրանի ԱԳՆ ղեկավար Մոհամմադ Ջավադ Զարիֆի այցի հետ։ Հունվարի 27-28-ը Զարիֆը կլինի Թբիլիսիում։ Նախատեսվում էր, որ իրանցի նախարարը պետք է հանդիպեր երկրի նախագահի, վարչապետի ու ԱԳՆ ղեկավարի հետ։
Տաթև Ֆռանգյան
