17.09.2026 | 18:45
Հայկ Կոնջորյանի եղբոր վարքը քննարկվել է ՔՊ վերահսկող հանձնաժողովում
Պուտինն ու Բայդենը հեռախոսազրույց են ունեցել
Քաղաքականություն
27.01.2021 | 01:29
ՌԴ նախագահ Վլադիմիր Պուտինը հեռախոսազրույց է ունեցել ԱՄՆ նախագահ Ջո Բայդենի հետ՝ վերջինիս շնորհավորելով ԱՄՆ նախագահի պաշտոնում աշխատանքի մեկնարկի կապակցությամբ։ Այս մասին տեղեկանում ենք Կրեմլի պաշտոնական կայքից։
«Վլադիմիր Պուտինը շնորհավորել է Ջոզեֆ Բայդենին՝ ԱՄՆ նախագահի պաշտոնում աշխատանքի մեկնարկի կապակցությամբ, նշել, որ Ռուսաստանի և ԱՄՆ-ի միջև հարաբերությունների կարգավորումը համապատասխանում է երկու երկրների շահերին և, հաշվի առնելով աշխարհում անվտանգությանը և կայունությանն աջակցության առանձնահատուկ պատասխանատվությունը, ամբողջ միջազգային հանրությանը։
Քննարկվել են երկկողմ և միջազգային օրակարգի հարցեր։ Դիտարկվել է կորոնավիրուսի համավարակի դեմ պայքարի, ինչպես նաև այլ՝ այդ թվում՝ առևտրատնտեսական ոլորտում համագործակցության հնարավորությունը։
Միջազգային օրակարգի հարցերից անդրադարձ է եղել Բաց երկնքի համաձայնագրից ԱՄՆ-ի միակողմանի ելքի թեմային, Իրանի միջուկային ծրագրի պահպանման խնդրին, միջուկրաինական կարգավորմանը, ինչպես նաև ՄԱԿ-ի Անվտանգության խորհրդի մշտական անդամների գագաթնաժողովի անցկացման՝ ռուսական նախաձեռնությանը»,- մասնավորապես ասվում է հաղորդագրությունում։
Աղբյուրի փոխանցմամբ՝ ՌԴ և ԱՄՆ առաջնորդները կապը պահպանելու համաձայնություն են ձեռք բերել։
