17.09.2026 | 19:38
Մինսկի փողոցում սեպտեմբերի 18-ից կկազմակերպվեն հետիոտնային անցում և հասարակական տրանսպորտի կանգառներ
Պատժամիջոցներ չեն լինի․ Բորելը մեկնում է Մոսկվա
Քաղաքականություն
26.01.2021 | 17:35
ԵՄ խորհուրդը կարծում է, որ ընդդիմադիր Ալեքսեյ Նավալնիի ձերբակալությունն ու ցուցարարների ցրումը բացարձակ անընդունելի են, գրում է DW-ի ռուսական ծառայությունը։
«Մենք դատապարտում ենք հանգստյան օրերին բողոքի ցույցերի ընթացքում զանգվածային ձերբակալություններն ու ոստիկանության դաժանությունը: Մենք Ռուսաստանին կոչ ենք անում ազատ արձակել ձերբակալված Ալեքսեյ Նավալնիին և մյուսներին»,- ասված է ԵՄ արտաքին քաղաքականության հարցերով գերագույն հանձնակատար Ժոզեպ Բորելի հայտարարության մեջ, որն արվել է Բրյուսելում արտգործնախարարների նիստի ավարտին։
Այսպիսին է ԵՄ բոլոր անդամ երկրների արձագանքը ՌԴ-ում վերջին իրադարձություններին։ ՌԴ-ի հանդեպ նոր պատժամիջոցների մասին Բորելը չի հայտարարել, չնայած մինչ այդ ԵՄ անդամ մի շարք երկրներ, մասնավորապես Լեհաստանն ու Լիտվան հանդես են եկել հավելյալ սահմանափակումներ մտցնելու օգտին։
Եվրոպական դիվանագիտության ղեկավարը խոստովանել է, որ որոշ երկրներ բարձրացրել էին այն հարցը, թե ինչպես է պետք արձագանքել Նավալնիի ու 3500 մարդու ձերբակալությանը, սակայն ոչ մի որոշում չի կայացվել։ «Այսօր ոչ մի առաջարկ չի եղել և, որպես արդյունք, ոչ մի որոշում», – բացատրել է Բորելը:
Բան այն է, որ Եվրամիության կողմից պատժամիջոցների կիրառումը երկար ու բարդ գործընթաց է: Այն կարող են նախաձեռնել միայն միության անդամ պետությունները `համապատասխան առաջարկներ ներկայացնելով:
Բացի այդ, Ժոզեպ Բորելը հայտարարել է, որ փետրվար ամսի առաջին շաբաթվա ընթացքում կայցելի Մոսկվա, ուր իրեն արդեն վաղուց հրավիրել էր ՌԴ արտգործնախարար Սերգեյ Լավրովը։ Այս հանդիպումը նա անվանել է լավ հնարավորություն «ներկայիս իրավիճակի վերաբերյալ հստակ մեսիջներ ուղարկելու համար»։
Տաթև Ֆռանգյան
